ALEX Pov

KA PATEA MIN TLAWH HNU KAR HNIH HNUAAH CHUAN KA KHAWVEL CHU A RAWN TLU CHHE TA VEK MAI A.

​Hna thawk tura ka in-khalh chhuah laiin Ivan-a hnen aṭangin 'tlawh nghal tur' a min tihna call ka dawng a. CEO aṭanga ka paih thlak aṭang khân a lo reh hmak a, chu chu a mak ka ti hle a; mahse a chhan erawh ka hre thung. Engvângin nge min hmuh a duh tih pawh ka hria—hei hi ka lo beisei reng tawh kha a ni a.

​Ka assistant ka phone a, vawiin atâna ka meeting neih tur zawng zawng cancel turin ka hrilh a, tichuan Philadelphia chu darkar hnih chhung lekin ka thleng thla ta a ni.

​Ka patea office panna kailawnah chuan muangchangin ka chho a, an estate hungna kawngka ka luh aṭang tawh khân camera hmangin ka chetla lai zawng zawng min lo thlîr reng dâwn tih ka hria a ni.

​A office chhung ka luh chuan a dawhkan hnungah a lo ṭhu a, a duh em em ṭhin Russian drama kha TV-ah a lo en mêk a.

​"Chibai le, pate." Bang ngheng chuan ka ding a, ka kut chu ka ipte-ah ka zen lut a, engmah pawi sa lo ang maiin ka lang a ni.

​Ivan-a mit chu a rawn khur deuh a. "I lo thleng ve ta hram maw, naupang phiangsen (little shit) leh."

​Ka nui chhuak lo hram hram a. Ka patea hian ṭawngkam chhia a phuh chhuak khât hle a; a thinrim lutuk hi a â lo chauh tawh a ni ngei ang. A chhan pawh a hriat reng mai; a hmel chu a rapthlak hle a ni. A sam chu a lo kawlh deuh hlek a, a vunah chuan thil sen deuh leh hnai tling, bawl thalo tak tak a rawn chhuak teuh mai a. A hmel chu a chul tawh hle a, a dâng vek bawk.

​In-ngai-ropui leh hmel-ṭha in-ti mi tan chuan, hetianga a hmel a chhe ta vek mai hi chu mumang ṭha lo ang mai a ni ngei ang.

​"Ka pate duh ber tlawh tur hi chuan hun ka nei reng alawm." Ka patea awm chhun, mahse rei a ni tawh lo vang. "I hmel a va ṭha lo ve. I hna i hloh tak avâng khân i rilru a hah deuh em ni?"

​A khabe ruh chu a rawn in-phiar deuh a. "CEO dinhmun kha ka hnenah i rawn hlan lêt leh dâwn a ni."

Ka nui chhuak lo hram a. "Engvângin nge chutiang thil chu ka tih ang?"

​"A chhan chu," Ivan-a chu a han ṭhu awn a, a kut pahnih chu a pum chungah a han suih a. "I thil duh tak pakhat ka kawl miau alawm, chuan chu thil neih lêt leh nan chuan eng thil pawh i ti dâwn tih ka hria—Archer Group aṭanga bân te, CEO atâna min dah lêt leh te, leh dollar maktaduai sawm-nga ($50 million) min thawn thlengin. Ka rilru i tih-hah manah," tiin a han sawi fiah a.

​A hmel chhiat ai hian a rilru a buai chak zâwk a nih dâwn hi, chutiang thil chu ka ti dâwn anga a lo ngai a nih chuan.

​"I sawi dik ang chu," ka ti deuh kher a. "I 'thil' neih hlu tak chu i han en dâwn teh ang hmiang."

​"'Thil' a ti em ni?" Ivan-a mitmenga suahsualna lo lang chu a hmuh theih hial a. "Mi (someone) sawina a ni zâwk. Rawn hruai lût rawh u," tiin Russian ṭawng chuan a han au tuar a.

​Pâwn lamah chuan thâwm a rawn awm a, mipa pakhat, sipai kekawr leh 'dog tags' (hming târna) awrh hian hmeichhe pahnih, kâ hup leh phuar chunga a rawn hnuh luh takah chuan ka thisên chu a rawn vawt nghal vek a.

​Ava-i leh Bridget-i!

​Hlauhna nena khat hmel hian min rawn en a. Ka rilru put hmang tih-lan loh nan ka theihna zawng zawng ka hman a ngai hial a ni.

​"A nih chu," ka ti thâm deuh a, ka hmelah engmah a lang chuang lo. "Pawi ka ti hle mai, Patea, mahse heta i mi hruai luh hian ui êk pawh ka pe phal lo vang che u, dollar maktaduai sawm-nga phei chu a hla hle mai."

​Ava-i hmaiah chuan a lo in-rin deuh a. A hmuiah chuan mittui a luang a, hlauhthawnna hmel nen min rawn en reng a. Chu sipai pa-in a vawnna avâng chuan a bânte chu a lo vung deuh a, a kut-phuarna hrui khan a vun a lo ti-pilh hman bawk a.

​Ava-i. A hliam a ni.

​Ka thinrimna chu ka pum aṭangin a rawn so chhuak a, ka taksa zawng zawng a rawn luah khat nghal vek a ni. Chu sipai pa chu ka melh a, ani lah chuan a hmel chhe zet chuan min lo nuih sawh a.

​A rei tawh lo vang.

​Vawiin hian a thi ngei dâwn a ni. Muangchangin. Na tak tuar chungin.

​Ani pawh chuan hliam leh vung deuh a lo nei ve nual tih ka hmuh chuan ka lâwm hle a. Ava-i leh Bridget-i te khân an lo sual lêt ve hle a nih dâwn hi, mahse chuchu a pawimawh tawh lo.

​Ka thil neih a lo khawih ngam avâng hian, thihna aia thil thlum zâwk a dil hma chu ka sawngbawl dâwn a ni.

​Ava-i lo vêng tura ka mi chhawr (guard) kha, a hna a tlin loh avângin ani pawh chu a thi ve ngei ang.

​Ava-i sîrah chuan Bridget-i chu a lo awm a, a hmel a dâng hle. A rawn chet deuh rual chuan khâ sipai pa khân a bânah a lo phih deuh hrawk a, mahse Bridget-i chu a zâm hauh lo. Huaisen tak hian a rawn melh lêt ve kalh a. Mi chungchuang (princess) dik tak a ni, hruai bo a nih lai pawhin.

​Chuan, a body-guard Rhys-a kha khawiah nge a awm? Navy SEAL lo ni tawh a ni si a, ka mi chhawr â zet ai kha chuan a thiam zâwk ngei dâwn si.

​Khang thil ngaihtuah hman ka ni lo. Ka patea, nui deuh sawng chung a min lo thlîrtu lam chu ka hawi lêt leh a.

​"Alex, min bum thei lo vang," a aw chu a rawn thâm deuh a. "I en dan aṭang khân ka hre vek alawm. I phuba lakna ruahmanna i ti-khawlo (pulled your punches) vek a nih kha. I hmangaih a ni. Mahse i thiltih zawng zawng a hriat hnu hian a la hmangaih che i ring em?"

Ka nghâwng chu thil rit tak hian a rawn rêk tlat a, ka thâwk a rawn sak nghal ṭalh mai.

​Ka patea thiltih tum hi ka hria alawm. Ka dawt sawi lian ber leh ka thiltih sual rapthlak ber kha Ava-i hmaa puan chhuah vek a tum a ni. Ava-i hian min hua se a ti a, ka thil hlauh ber chu ti turin min nawr lui a ni.

​A hrehawm ber chu, ka tih a ngai tlat hi a ni. Ama nunna ka chhan dâwn a nih phawt chuan amah hi ka thlah mai a ngai ang.

​"I ngaih dan chu a dik lo a nih chu," ka patea melh rûn chung chuan dawi deuh tak hian ka ti a. "Pate, min lo va hre lo ve. Ka infiamnaa hmanrua (pawn) pakhat ve mai a ni asin. A pa jail-a a luh hnu khân engvângin nge ka kalsan tak loh i ring a? Chumi hnuah chuan ka tan tangkaina a nei tawh hleinem. Ka pha lo, sex erawh a nuam hle thung." Ka dâr ka han san zeuh va. "Chu chauh chu a ni ka thlah hmak lohna chhan chu."

​Ka mit sîr chuan Ava-i rawn hawi chhuak deuh zawk chu ka hmu reng a.

​"Pawi ka ti hle mai, Sunshine." A hming ka kohnaah chuan nuih sawhna aw-ka tel turin ka han in-nawr lui hram a. "Thuruk chu a lang chhuak ta bawk a, a vai hian hrilh vek law law che i-la a ṭha ang e. Ka nu leh pa that-tupa nia ka hrilh che kha i hria em? Kha kha i pa—i pa tak tak pawh ni lo—Michael Chen-a kha a ni."

​Ava-i chu a phu zâwk a, Bridget-i pawh chu a rawn che ve deuh a, a kâ hupna kârah chuan a thâwk lak a rawn ring hle a ni.

​"Ka hre reng tawh alawm." Bang ngheng lova ding chhuakin a lam pan chuan ka kal hnai a. Khâ sipai pa kha ka lamah a rawn pên hnai a, mahse Ivan-a chuan nui sangin a lo hui kian tir a. Hetiang thil hmuh hi nuam a ti hle tih a hriat, hrep tak hian. "College kan luh tirh khân Josh-a nena pindan khata kan awm dun kha thil thleng palh (coincidence) mai a nih i ring em ni? Pawisa tlem tham lo deuh nena mi dik tak i biak chuan thil a tih theih hle a, i hmelma tih-boral dan ṭha ber chu a chhung lam aṭanga luh chilh hi a ni. 'Nu leh pa nei lo' angtea ka in-lan tir khân a khawngaihna ka hlawh chhuak a, tichuan chawlh hmang tura min sâwm thlengin ka bei ta a ni. In mut hlanin in in chhung kha ka lo thlithlai kual ṭhin a. 'In chhungah hian in-biakna ngaihthlakna (bug) ka dah a, i pa 'file' zawng zawng ka en vek bawk a... thil hlimawm tak tak ka hmu nual a ni. Kum tam tak chhung i pa sumdawnna khân engvângin nge hliam a tawrh reng i ring a?"

​Ava-i hmaiah chuan mittui a rawn luang thla a, mahse ka sawi chhunzawm reng a. Ka tihpalh a ni, Sunshine.

​"A thuneihna chu tlem tlem-in ka ti-chim a, nang leh Josh-a lah khân engmah in lo hre si lo." Ka âwm a rawn sàt vek lai chuan ka han nui deuh kher a. "He kum hi a tâwpna ropui tak (grand finale) ni tur a ni asin. A company ka tih-chhiat vekna tur hun a lo thleng dâwn a. Mahse hriatna (information) pakhat chiah ka la mamawh a, a office ka luh lehna tur chhuanlam tur ka mamawh bawk. Chutah Josh-a—in in-a ka luhna 'ticket'—khân Central America-ah a 'volunteer' dâwn tih a rawn sawi ta si a. A hun lo tak zet. In luhna tur dang ka mamawh ta a ni." A hmel chu ka kut pakhat chuan ka han vuan a, hei hi a hmel ka tawh tâwpna a nih ka ring hial a ni. "Chutah chuan nang hi i rawn in-rawlh ta a ni. Josh-an a lo enkawl tur che a min ngen khân ka hna chu a lo sam-khai phah ta hle a, a in-a awm tura rilru petu che pawh kha keimah ka ni. A chhan chu," ka han nui a, ka chhungril erawh a rawn keh chhia a ni, "ni tin min hmuh a ngaih chuan i thinlung hneh kha a awlsam dâwn tlat a ni. Chuan i lo tlu ta rĕng a. A awlsam lutuk kha chu a zahthlak zâwk hial a ni. Ava-i mawl leh mi rin-hlelh nachang hre lo, thil chhia lo siam ṭhat châk em em mai. Hmangaihna a riltâm lutuk avânga a hmuhna apianga lo lapiang mai."

​A lu a han thing a, a âwm a rawn in-sep hlawk hlawk a. A ṭap ta lo va, mahse a mitmengah chuan thinrimna leh phat-san-na hlir a rawn lang chhuak ta a. Kha kha a ni, ka naute. Min haw rawh. Ka tan hian ṭap suh. Ka chungah hian mittui khat pawh far tir suh. Chu chu ka phu lo a ni.

​"Thanksgiving zan hnu khan maw? Ka thil zawn kha ka hmu ta a ni," ka ti a. "I pa sumdawnna a chhiat tial tial khân a beidawng a, mi sual tak takte nen thil dik lo an lo ti a. Thil zawng zawng ka lo rem-fel vek tawh a... FBI-in an man dan tur leh chanchin-bu-a an chhuah dan tur thlengin." (Michael-a jail-a thah ka tumna kha chu ka sawi chhuak duh lo va. Ka thiltih tur kha ka la chiang bîk chiah lo rêng a ni.) "Mahse i hriatna (memories) a rawn kîr leh khân mak ka ti hle a ni. Krismas thilpek hma tak ka dawng a ni ringawt. Sumdawnna lama ka man thei lo a nih pawhin, tualthah tumna (attempted murder) avângin ka man tir thei tawh tlat a ni. Chuan chu chu a hlawhtling ta rêng a. Mahse..." Ka patea, sual hmel taka min lo en rengtu lam chu ka hawi lêt a. "Ka lo hre sual a ni. Michael-a kha a lo ni miah lo. A dik em, Patea?"

​Ivan-a chu a rawn nui deuh sawng a. A in-a min luhpui a, a fapa ang maia min enkawl ṭhintu hmel kha chu a nei tawh miah lo. In-laichinna ṭha siam nan kum tam a ngai a, tih-chhiat nan erawh second khat chauh a tawk a ni, kan in-kar erawh a chhe hlen tawh dâwn a nih hi.

​Alex, tu mah ring suh. I rin loh berte hian i hnung lam aṭangin an la chhun dâwn che a nia.

​"Chu tak chu a nih hi a ropuina chu," a ti a, mahse a rawn in-thing deuh a. A rawn chet deuh rual chuan nuam ka lo ti hle a—kar hnih a ni tawh a; Ava-i'n min en dan avânga ka chhungril keh chhe vek mah se, ani erawh nâ a tuar hle tawh dâwn tih ka hria a ni. Mi hriat ngai miah loh ang maiin min en si a.

​A châng chuan, min hre lo rêng a ni.

​"Michael-a kha chu i pa sumdawnna Maryland-a a rawn zauh lai khân a lo in-el-pui pakhat a ni a. An in-kar a ṭha ngai lo rêng rêng—Anton-a (ka pa) khân Michael-a sumdawn dan kha a duh lo va, Michael-a lah khân a hmun (territory) lo chuhpuitu kha a duh lo hle bawk a. A tâwpah chuan in-remna an siam ve ta hram a, mahse Michael-a kha thiam loh chantir (scapegoat) nan chuan a awlsam hle a ni. Nangmah ang naupang mahni phuba lak châk em em tan khân 'hriat-fiahna' (evidence) lo dah kha a harsa hleinem." Ivan-a chu a han khuh deuh hrak a. "Naupang fing tak chu i ni, mahse phuba lak i châkna khân i mit a ti-dela a ni. Michael-a kha chu ka lo haw hrim hrim bawk a. Inkhawmpui (party) pakhatah i pa-in in-ṭhian-ṭhatna lantir nan a sâwm ve a—ka duh loh chung—khatih lai khân min lo ti-mualpho tawh a ni. Michael-a kha 'psychopath' (mi rilru kim lo/nunrawng) a ni tih ka hriat khan mak pawh ka ti hran lo ve."

​"I sawi ve tur a ni lo," vawt ruih hian ka ti a. Ka patea hian kum sawm hnih chuang liam ta-a thil thleng avâng khân hetiang khawpa rilru chhia a pu thei a nih chuan, a â tawh hle a ni ngei ang.

Michael-a khân kei leh Ivan-a hi ka pa nena in-zawmna kan nei tih a hriat loh nan ka lo thawk nasa hle ṭhin a; a chhan chu a hmelma thlah (ka lo rin danin) fapa chu a in-ah a lâwm dâwn lo tih ka hriat vâng a ni. Kan hnam hming (last names) te ka thlak a, Anton Dudik-a nena kan in-zawmna hriat theihna tur fiahna zawng zawng ka lo ti-bo vek tawh a ni. Ivan Dudik leh Alex Dudik kan ni ṭhin a; tunah erawh Ivan Volkov leh Alex Volkov kan ni tawh. Ka patea'n mi a lo rin hlelh hma em avâng khân, Archer Group kan din hma chanchin leh thlalak hmuh tur a lo tlêm hlauh va, chu chuan ka hna a lo ti-samkhai hle a ni.

​Mahse khang ka thiltih zawng zawngte kha a lo thlawn vek a nih chu; Michael-a khân Ivan-a chu a lo hmu tawh a, ka pa nena an in-zawmna pawh a lo hre vek tawh si. Min ngaina miah lo mah se, a tualthattu a nih loh miau avângin a in-a ka luh kha a lo pawi sa miah lo a lo ni.

​He kum tam tak chhung ka patea'n dawt min lo hrilh thei hi ka la awih thei lo hial a ni. 'Genius' leh mi rĕm-hria tak (master strategist) ni tura ngaih ka ni si a. Mahse mihring hrim hrim tlin lohna—kan hun harsa ber laia kan kianga awmte chu mi ṭha-ah kan lo ngai tawp mai ṭhin—kha keimahah hian a rawn thleng ve a ni. Ka chhungte zînga dam chhun a nih avâng khân, a mizia dik tak hmu thiam lo khawpin ka lo ring tawp mai a ni si a.

​Tunah chuan, ka hriat loh (fuckup) avângin Ava-i a hliam ta a ni.

​Ka pum chu a rawn in-phiar nasa hle a. A hmel pawh ka en ngam lo—va en i-la chuan ka in-thununna hi ka hloh nghal dâwn tlat si a, ka hloh thiang lo hrim hrim bawk. Ava-i silai-a tin rengtu Camo leh ka patea mit fing tak hmaah hian. Thih dâwn mah se, lei hnuai feet ruka a awm hma chu ka patea hi ka thlahdah thiang lo a ni.

​"Nang pawh chutiang bawk i ni," Ivan-a chu a han in-thing leh a, a thup hram hram na a, a nâ tih chu ka hmu thei reng a. He mi tenawm hian a thâwk tâwp thleng hian nâ tuar se ka ti hle a ni. "Nang, kei, leh Michael-a. Kan pathum hian kan rilru a thim vek a, kan thil duh neih nan chuan eng thil pawh tih kan huam a ni. Ka lo enkawl che kha ka thiltih fin thlak ber a ni dâwn a nih hi," a ti a. "I lo lâwm thiam hle a, i finna kha ka ti-thlawn phal lo a ni. Kan hlawhtling dun hle, a dik em?" tiin a office ropui tak chhung chu a kut chuan a han kâwk kual a.

"Ka thawk chhuak zâwk a ni. Nang chu parasite ang maiin ka thila lo in-hnâm-hnawih ve chauh i ni," ka ti a.

​Ivan-a chu a lungawi loh hmel hle a. "Khatiang khân em ni hetiang khawpa enkawlna hmun (foster system) rapthlak laka chhanhimtu che i biak dâwn? I lâwm thiam viau tur a ni zâwk asin."

​A â tawh takzet a ni. "Ka nuin i laka in-thiar-fihlim a lo tum tlat kha a mak lo ve," ka ti a. "I âtna rim kha hla deuh aṭang tawh khân a lo hre tawh a nih dâwn kha."

​Ivan-a nui hmel chu a bo nghal vek a, thinrimnain a hmel chu a rawn in-phiar kual nghal a. "I nu kha hmeichhe â zet a ni," tiin a phuh chhuak hrawk a. "Ka hmangaih a, mahse min hnawl a nih kha—kei, i pa a tawn hma daih aṭanga a kianga lo awm tawh zâwk hi min hnawl a, i pa Anton-a mizia nêp leh dawihzep zet kha a thlang a ni. A rawn harh chhuah hun nghâkhlel takin ka nghak reng a, mahse a thleng ngai si lo." A han nui hawk a. "Ka lehkha thawnte i pa a hrilh khân, i pa chuan min be duh ta miah lo va. In-hma-chhawn ngam khawpa mipa pawh ni si lovin, kan ṭhian kawp laite hnenah min lo hek kual a, tichuan min kalsan ta vek a ni." A mitmengah chuan huatna hlir a lo lang a. "Khatianga min ti-mualphotu kha chu ka zuah ngai lo. Ka thil hmangaih ber min laksak a, chuvângin a thil hmangaih ber chu ka laksak ve ta a nih kha."

​"Eng 'thil' (what) mah a ni lo. 'Tu nge' (who) ti rawh," ka ti khauh a. "Ka nu kha thil-nung lo (object) a ni lo."

​Ivan-a chu a rawn nui leh uar uar a. "Aw, Alex, hmangaihna hian a lo ti-nêp tawh hle che a nih hi."

​Ka khabe ruh chu ka han seh-chilh deuh a. "Ka hmangaih lo."

​"Sava tê pakhat hnen aṭanga ka hriat dan nen chuan a in-persan hle mai." A khuh chu a rawn ri deuh bawrh bawrh a. "Madeline-i tia hriat hmeichhe sam-buang hmêlṭha deuh nen khân titi nuam tak kan lo nei tawh a. Ava-i che-thei-lo tui chhungah a nem luh laia i mizia kha min hrilh nasa hle a ni."

​Thinrimnain min rawn tîm chuai a. Madeline-i maw. Engtin nge ka patea nen hian an in-hmuh hriat dâwn lo mah i-la, Ivan-a hian ka rin aiin min lo thlithlai rei tawh a nih dâwn hi.

​Ka in-thlahdah leh ta lutuk chu keimah leh keimah ka in-hau leh mawlh mawlh a.

​Thla thar he hun a nih meuh chuan, Hauss Industries chu a tluchhe vek tawh ang. Chu chu ka thiltum a ni. Tui chhenna (pool) thil thlen hnu khân a ti-chhetu tur chu ka lo khawm vek tawh a; meiah ka chantir chiah a ngai tawh a ni.

"Pawisa leh he ka hmun hi min pe lêt leh phawt la, chuan engtikah mah min chhui zui dâwn lo leh hna i thawk leh tawh dâwn lo tih inremna (contract) ziak rawh; tichuan Ava-i leh a ṭhiannu hi ka chhuah ang," tiin Ivan-a chuan a sawi a. "In-thleng (trade) awlsam tak a ni."

​Bridget-i hi Eldorra-a Lal-fanu (Princess) a ni tih a hria em tiin ka lo ngaihtuah a. A hria a nih chuan, he thila a hnuh luh ve avâng hian mi â a ni dâwn a ni. A hre lo a nih phei chuan, a hna a lo chhui chiang lo hle tihna a ni bawk ang.

​Chuan, kan hmaah ngei tualthahna chungchang a sawi vek hnu hian, min chhuah dâwn anga a lo sawi hi ka rin a ring a nih chuan, kei hi mi â-ah min lo ngai tawh hle tihna a ni ang.

​Ka thiltih theih dante chu ka han buk tawn a. Pawisa ka thawn a, a hmun ka pe lêt hma chu Ivan-a hian kei, Ava-i, leh Bridget-i te hi engtin mah min ti dâwn lo; mahse chumi tih nan chuan hun a duh rei dâwn lo hle si a. 'Board' member-te chu ka thuhnuaia an awm tih a hria a. Call pakhat chiah hian CEO-ah ka dah lêt leh thei reng a ni.

​"Chiang deuhva sawi ila, ngenna (request) a ni lo a nia," Ivan-a chuan a ti leh a.

​Ka han nui a, ka thluak chu a rawn thawk nghal zawk a. "Tehreng mai. I thil ngen chu ka pawm thei dâwn alawm—" Ka patea chu a lo nui deuh sawng a. "—emaw, i nunna ka chhan thei bawk ang. I duh zâwk thlang rawh."

​A nui hmel chu a bo nghal vek a. "Eng thil nge i sawi phiangsen chu?"

​A lam pan chuan ka pên hnai a. Khâ Camo-a khân silaiin min lo tin hman ṭep a, mahse Ivan-an a lo hui kian a; a mit meng fiah lo tak chuan min lo melh rûn a. A vun, a sam, leh a nâ a thup hram hram vanga a kut khur dante chu chiang takin ka melh ta a.

​A rawn hrethiam ta a ni ngei ang. "Engtin nge?" a rawn ti chhuak hrawk a.

​Ka nui hmel chu a rawn zau ta sauh va. "Kar tlem tê liam ta-a ka in-a i lo kal khân i tui a lo hãl hle a nih kha."

​"Tui lum (tea) kha." Ivan-a hmel chu a rawn in-phiar a. "Thil danglam a rawn awm ṭan rual khân ka in-check-up nghal a. Doctor-te khân an sawi chu—"

​"Guillain-Barre natna i nei an ti che em ni?" Ka han thaw hawk a. "A pawi hle mai, a lan dan hi a lo in-ang hle si a. Mahse a ni lo, Guillain-Barre natna chu a ni miah lo a nia."

"Eng thil nge i tih, naupang phiangsen?"

​Camo-a hnung lama thil che zeuh—kei chauhva hmuh theih hmun aṭang chuan—ka va hmu a. Ka rilruin ruahmanna thar ka siam nghal zung zung a, mahse ka hmelah erawh engmah ka ti-lang lo.

​"Tun lai khawvelah chuan 'black market'-ah eng thil pawh a lei theih tawh alawm," tiin dawhkan chunga 'monkey paperweight' hmelchhe zet chu ka han khawih nauh nauh a. "Tûr (poison) hlauhawm tak takte pawh a tel ang chu. Tunah i taksa ti-chhe mêktu hi maw? Thallium nen an in-ang deuh hlek a. Rim a nei lo va, tui lohna a nei hek lo, a rawng lah a awm hek lo. A van em avângin hriat chhuah a harsa hle a, a lan chhuah dan hian natna dang a kâwk kual hrep ṭhin a ni. Mahse Thallium ang lo takin, ani hi chu a thahna (antidote) awm ve miah lo. Mahse i vannei hle mai, Pate, a hlo thuruk hi a awm a—keimah hian ka kawl tlat a ni."

​Ka patea chu thinrim vângin a khur hlawk hlawk a. "Dawt i sawi lo tih engtin nge ka hriat ang?"

​Ka dâr ka han san zeuh va. "Min rin mai chu i tih theih awm chhun a ni rih a nih chu."

​Thil pathum a thleng rual nghal ṭhawt a. Ava-i chu Camo-a lo hrilhhai deuh lai chuan a va bawh thut a, a silai chu a thlauh ta a; chutih rual chuan Bridget-i bodyguard (Rhys-a) kha hnung lam aṭangin a rawn in-lar a, Camo-a chu a rawn rek nghal chawt a; kei pawh chuan ka kawrlum hnuai 'shoulder holster'-a silai ka thuhruk chu ka phawi chhuak a, ka patea lam chu ka tin ta vâng vâng a. Ka kut lehlam chuan ka phone-a 'number' pakhat chiah hmeh ngai thuchah chu ka thawn nghal bawk a, ka mit erawh chuan Ivan-a chu ka la melh reng thung.

​"Tawp rawh u!" a rawn ti tuar a.

​Eng thil nge thleng dâwn tiin kan ding ṭhap mai a—Rhys-a chuan Camo-a nghâwngah a kut khatin a rek a, a kut lehlam chuan silaiin a lo tin bawk; Ava-i leh Bridget-i te chu an in-phuarna aṭang chuan an lo tal chhuak mêk a; kei erawh chuan ka patea âwmah tak chuan silaiin ka lo tin thung a.

​"Alex." Ivan-a chu a rawn nui deuh hak a, mahse a hlauthawng tih a hriat hle. "Ka vahpa duh tak, hetianga chet hi a ngai kher em ni? Chhungkua kan nih hi."

​"Ni lo, chhungkua kan ni lo. Ka chhungte i thah vek kha." Ka silai chu ka han ti-êng (cock) a, a hmel a rawn dâng nghal vek mai. "Ava, Bridget, pindan hi chhuahsan rawh u."

An che sawn miah lo.

​"Chhuak rawh u, tunah!"

​Camo-a khân an kete a phuar tel lo bawk a, an kut la phuar hlawm mah se pindan aṭang chuan an chhuak thei reng a ni.

​"Kan hun hman tawh zawng zawngte kha han ngaihtuah teh," ka patea chuan a rawn ti leh hram a, a mizia fel hmel tak kha rawn lan tir leh a han tum a. "I 'Krav Maga' zir hmasak ber tuma ka hruai tum che kha, i kum sawm-paruk tlin champha-a Kiev-a kan zin dante kha—"

​A thilsawi lai chu silai ri-in a rawn pawt chhun hmak mai a.

​Ivan-a chu a khawng nghal vek a, mak ti hmel takin a kâ a âng phuau mai a. A âwmah chuan thisen sen tak a rawn puah chhuak ta a ni.

​"I tan a pawi hle mai, silai hmeh-per hma-a thuziak mawi tak tak phuh chhuak ṭhin mi kha ka ni ve tlat lo," ka ti a. Min enkawltu lakah hian inthiamlohna chhete pawh ka nei lo. Tualthattu leh dawthei a ni a. Kei pawh chutiang bawk chu ka ni, mahse hremhmun kal turin ka in-peih na a rei tawh. "Vawiin hian i thi dâwn a nih hi, i chhungril ang bawka hmelchhe takin i thi dâwn a ni."

​"Nang, mi lâwmna hre lo—"

​Silai a ri leh ta. A taksa chu a rawn in-thing dawt a. "Kha kha ka nu tan. A hmasa zâwk kha ka pa tan. Chuan hei hi—" A vawi thumna a ri leh a. "Nina-i tan. Ava-i tan. Bridget-i tan. Chuan hei hi—" Ka silai chu a tâwp nan ka han ti-êng leh a. "Keimah tan a ni." A chal sîr tawn in-kârah tak chuan ka kâp ta siah mai a.

​Ka patea chu a thi chiang tawh hle a, a taksa chu silai mu-in aluh na a vang in phawrh tuar a, a ke-ah chuan thisen a tling hûm tawh a ni. Mahse ka thumal sawite kha ama tan a ni lo. Keimah tan zâwk a ni—he ka nun chhia leh buai zet hi ka ti-tawp (closure) ve a ni.

​Camo-a lam chu ka hawi a, a hmel chu chalk ang maiin a lo dâng vek tawh a. Rhys-a khân leiah a lo la rek bet reng a.

​Camo-a silai, chhuata tla chu ka chhar a, ka han thlek kual a. "I thlah thei tawh ang," tiin Rhys-a chu ka hrilh a. "He pa hi chu ka chan a ni."

​Chu bodyguard chu a lo zâm hauh lo. Pindan aṭanga a rawn luh aṭang tawh khân a hmelmizia a la thlak danglam miah lo hrim hrim. He pa hi chu ram-huai (aliens) hmelchhe tak tak, puan-fen fual (tutus) fual deuh va in-bel, a hmaa rawn in-lar a, Macarena rawn lam chiam pawh ni se a zâm miah lo vang tih ka hria a ni.

​"I chiang maw?" a silai chu Camo-a chal-ah chuan a han nawr na zual sauh va.

​"Chiang e. I Lal-fanu khân a nghak tawh ang che—" Ka hmui chu ka han ti-sawi deuh hlek a. "He bawlhhlawh hi chu keiman ka lo thian-fai mai ang e." Camo-a lam chu ka silaiin ka tin a, ka kut lehlamah silai dang chu ka vuan bawk a.

​Rhys-a chu a han in-thiar-fihlim deuh a, mahse a silai chuan Camo-a chu a la tin reng a, a mit erawh keimahah a la fu thung.

​Mi fing tak a ni.

​Camo-a hi sawngbawl ve hrep a châk tih ka hria, mahse Bridget-i kha a dah pawimawh ber miau si a. Bodyguard hna ber chu venhimna leh hmun hima hruai chhuah a ni a, insual chu a tâwpna a ni thung.

​A bo rual chiah chuan Camo-a khup-ah chuan vawi hnih ka han kâp leh a—thah nan a ni lo, ka sawngbawl chhunga a lo tlân chhuah loh nan a ni. A nâ tuar au ri chu ngai-sak lo hrim hrim hian kawngka chu ka kalh ta hmak a.

​"Vawiin hian thil i ti-sual hle a ni," eng thil danglam mah thleng lo ang mai hian a bulah chuan ka han ṭhingṭhi a. Ava-i hmel vung deuh leh hlau hmel kha ka ngaihtuahnaah a rawn lang a, ka hmel chu a rawn rum nghal ul mai a. "Ka thil neih i lo khawih a—" Ka boot aṭang chuan chemte zum leh hriam hmel tak ka phawi chhuak a. Camo-a mit chu hlauhnain a rawn khat nghal a. "Ka mi hmangaih i lo ti-nâ a—" Hlauhthawnna vângin a in-zun a chehta hial a, a zun rim chuan pindan chu a rawn luah khat nghal a. A hmel landan chiai tak nen chuan a lo dawihzep hle mai. Ka hmui ka han ti-sawi deuh hlek a. "Tunah chuan rulhna hun a thleng ta. Lungngai suh," a kawr chu ka han hlim chho a, a pumah chuan chemte hmawr chu ka han nawr lût ta a. "Muangchang leh nuam takin ka ti dâwn alawm."

​Ava-i leh Bridget-i khân police an phone tawh ngei dâwn a—ka ring bawk—chuvângin an lo thlen hma hian minute tlem tê chiah hun ka nei a ni. Mahse thiamna leh hmanrua (creativity) i neih phawt chuan, minute khat pawh kumkhua ang maia reiin i siam thei thung alawm.

​Second sâwm pawh a liam hma chuan Camo-a au ri chu a rawn chhuak leh ta a ni.