AVA Pov

Darkar khat zet chu engmah hre mumal lo khawpin hun a liam leh a. Police leh damdawi thiamte an rawn thleng a, zawhna tam tak min zawtin min endik a, an hmel chu a thutak hlawm hle mai. Ka lo dawh tawp a, chhan pawh ka phur lo hle.

​An sawi zo chu ka zawi vek a, ka khumah mut a, thawh leh tawh miah loh mai ka chak a ni—ka che sawn thei a nih ngai chuan."

​"Ava?" Bridget chuan ka banah a rawn vuan a. "Police-te khan kan haw thei tawh an ti a. Rhys hian min thlah haw dawn a nih chu."

​He bodyguard lian pui hi kan bul hnaiah a ding tlat a, a hmel pangngai, engmah tilang ngai lo kha tunah chuan thinrimna hlirin a khat thung. Ka dem miah lo. Keimahni vanga he buaina hi thleng kan ni miau a.

​Nizan khan Bridget-a nen D.C.-ah kan band duh em em mai pakhat chetzia en kan duh a. Indie band cool deuh deuh hi khawpuiah an lo kal ngai mang lo a, an lo kal chhunah hi chuan kan bawhpelh ngai lo. Mahse... Rhys-a khan Bridget-i kha kal a phal tlat lo a, a hlauhawm a tih miau avangin—chuta hnial chu awmzia a awm lo tih kan hre sa vek a—Bridget-i chu zan laiah a rûkin a chhuak ta ringawt a ni. Kan tum ang vekin engkim a kal tluang hman viau a, mahse concert zawh hnu khan sipai kawr (camouflage) ha mi â pakhat khan kawtthler atangin a van (motor) hnungah min hnuk lut ta thut mai a. A thleng rang lutuk a, au pawh kan au hman lo. Kan theihtawpin kan bei let a, mahse ka self-defense training neih ve chhun chhun hmang chuan vawi hnih khat chu ka hnek ve hman a, a tawpah erawh nikhawhrelo in min siam ve ve a. Kan han harh leh chuan Philadelphia-ah daih kan lo awm reng tawh a ni.

​Ka hnungzâng chu a hit deuh sawk a. Min hruai tu khan rei tak min lo enthla tawh ngei ang tih ka ngaihtuah hian min rûk ai khan min ti hlau zawk hial mai.

​"I inpeih tawh em?" A aw chu a pangngai viau na a, Bridget-i darah chuan khur deuh a awm tih ka hria a, chu chu Rhys-an min la hauh hrep loh chhan pawh a ni ngei ang. A hrim hrimah, Bridget-i phone-a chip a dah hmanga min hmuh thu a sawi bak kha chu engmah a la sawi lo hrim hrim. Bridget-i pawhin a rûka a lo chhui reng chungchangah engmah a sawi lo a, kan thil tihsual lenzia a chiang hle mai.

​Alex-a chu ka melh a, a patea a kap a, kan kidnapper a thah bakah a mah pawh a thi tep a nih kha, chuti chung chuan a hmel chu a la dam thlap a, a mak zawk hial a ni.

Police officer pakhat nen an inbia a, a hmelah chuan buaina engmah nei lo ang maiin a la lang thlap a.

​Thil pakhat tihpuitlin nana hmanrua chauh i ni.

​"Inpeih tep," ka ti a. Ka aw chu keimah ngei pawhin mak ka ti hial—a zawiin a thâm deuh chhal a, thlarau nei lo aw ang mai a ni. "Amah hi biak ka duh."

​Bridget leh Rhys-a chu an inmelh hrek hrek a, an inhuatna aiin ka chunga an rilru buaina chu a lang sar zawk.

​"Ave, i biak kher kha a tha ber ang em maw ni..."

​Ka ngaihsak duh miah lo a. Ka ding a, Bridget-i chu kal pelin Alex-a lam chu ka pan a, EMT-ho puan min pek chu ka darah ka bat tlat a.

​Ke pen khat, ke pen hnih.

​Vawiin ni hi a tak a ang lo hle mai. Mumang thar pakhat, engtik hunah pawh harh chhuak mai thei tura ka inngaih laiin ka harh chhuak thei si lo. Police-ho hnena thil thlen dan ka sawi lai pawh khan, ka chanchin ni lovin film chungchang sawi ang mai ka ni.

​Thil thlen dan chu a vai ni lo, a then chauh ka hrilh a. Alex-an a patea CEO atanga a paih thlak avanga phuba lak nana min rûktir niin ka sawi a, mahse an chhungkaw chanchin kawi kher tak erawh kha chu ka sawi lo. Kha chu ka chanchin a ni miau lo a. Bridget-i nena kan chhuah hnua thil thleng—eng vanga Alex-a patea khan silai mu paruk zet lo dawng nge a nih, leh kan kidnapper kha—police pakhat hmel dâng deuhin a sawi dan phei chuan—Jack-o'-lantern zai thiam deuhin a zai sawm hrep ang maia a lo awm tak chhan kha chu ka hre lo tak tak. Thudik takah chuan hre lo mah ila, a thleng ang chu rindan thiam lo rual ka ni lo.

​Alex-an police-ho hnenah eng nge a sawi erawh ka hre lo, mahse mi pahnih a thah hnu pawha an la man loh danah hian 'invênna' (self-defense) thiam takin a phuah chhuak thiam a ni ngei ang.

​A hrim hrimah, dawt sawi thiam chungchuang a ni miau a. Ni lo’m ni? Nge ni a, dawt a sawi thuah khan dawt a lo sawi leh zawk?

​Hriat dan kawng khat chauh a awm.

​Alex-a chuan min lo hmu hmasa ber a. Police hnenah khan eng emaw a sawi a, chupa pawh chu bu nghatin a kalsawn ta a.

​A hma feet hnih vela hlaah ka ding a, ka puan bat chu ka hmer nghet hle a.

Alex-a chu a hma ang bawk khan—engmah ngaihtuah lo leh vawt raih hmel puin a lang leh tawh a, a mit chu lung hring vawt tak ang mai a ni. Thla kalta chhunga Alex-a ka lo hriat thin kha chu a hmelah hmuh tur a awm tawh lo. Ka bula in thup nan a film en a hun lo hman thin te, ka thil siam tui lo zet mai kha ka rilru tihnat hlauva "a pawi lo" ti chunga a lo ei luih hram hram thin te, leh tui hleuh min zirtirtu—ka lo suangtuah thin pialral khawvel min hmuhtirtu kha a bo tawh. Kha khawvelah khan hmangaihna ka chhar a, hmangaih ka ni ve bawk niin ka hria. Ka hnenah hmangaihna thu sawi lo mah se, min hmangaih niin ka lo ring tlat a, a sawi chhuak hreh mai niin ka lo ngai thin a.

​Tunah chuan, Alex-a ka lo "hriat" ve kha a tak tak a ni reng em tih ka inzawt ta hial mai. Phuba lak tum vang â, ka thinlung engmah hre lo kha min lo bum kual reng zawk a ni thei ang em?

​Nge ni a... a patea hmaah khan min chhanhim nan dawt a sawi zawk? A patea khan min ngaihtuah tih a hriat a hlauh vanga khatiang thil kha sawi a ni zawk em? A thil sawi kha chu phuahchawp atan chuan a thuk lutuk mah mah a, mahse Alex-a chu mi fing tak a ni si a. Eng pawh a ti thei ang.

​Ka beiseina chau zet mai chu theihtawpin ka la vuan ve hram hram a.

​"I kal tawh ka lo ring a." A kut chu a kekawr ipteah a zen lut a, engmah ngaihtuah lo hmel a pu leh tawh hle.

​" biak hmasak che ka duh a."

​"Eng vangin?"

​Ka hmai chu a rawn sa hat hat a. I inzahpui hma hian kalsan vat rawh! tiin ka chapona chuan min au khum chiam a, mahse beiseina tlem te la awm chuan a tawp thleng thura min nawrin ka la ding tlat si.

​"Ka hre duh a ni."

​A mithmul chu phur lo hmel takin a ti nur deuh a.

​"Nang leh kei." Ka zawt hreh hle a, mahse ka hriat a ngai si.

​"A tak pakhat tal a awm em?"

​Alex-a chu a ding khawng deuh a, thawk pawh ka thaw ngam lo hial a, beiseina nen ka lo tawngtai ru mawlh mawlh a...

​"Ka hrilh lawk che kha, sweetheart," a ti a, a hmelah chuan engmah a hmuh theih loh. "Min ngaihtuah zui lo tur leh i thinlung nem tak kha tikhauh turin ka hrilh che a nih kha. Kum tam tak chhung ka chunga i thatna lakah khan ka laka i fihlim theih nana ka hrilh lawkna che a nih kha. Mahse, i lo tlu ta tho a nih hi." A hrawk chu a ti mar deuh a. "Nakina i hriat reng atan thutak i zirah ngai rawh. Tawngkam tha leh hmel duhawm hian thinlung tha a kawk kher lo a ni tih hi."

​Ka beiseina chu vutah a chang ta vek a.

​Ka thinlung nem kha maw? Ni lo. Thinlung reng reng ka nei tawh lo, tunah chuan. Ka awm atangin a pawt chhuak a, a tawngkam hriam tak tak chuan a zai sawm vek a, engmah ngaihtuah tawh lovin hmun pakhatah a paih bo ta vek a ni.

Eng emaw ka sawi tur a ni—eng pawh ni se. Mahse, sawi tur reng reng ka hre lo.

​A hmaa ka thinrimna leh ka natna tlem tal kha neih leh ka chak a, mahse a awm tawh lo. Ka vawt vek a, engmah ka hre mang tawh lo a ni.

​Rhys-a motor inring renga lo ding lam panin kut nem takin min hruai lo se chuan kha hmunah khan kumkhuain ka ding reng thei hial ang. Bridget-in Alex-a hnenah eng emaw a sawi sep kha ka hriat sual loh chuan a hriat a, mahse ka chiang lo. A pawilo.

​Engmah hian awmzia a nei tawh lo.

​Bridget-i chuan min biak luih emaw, hnemna tawngkam tlawm te te hmanga min hnem a tum lo a. Chutiang ti phei se chuan ka na zual sauh zawk ang. Chu ai chuan ngawi rengin tukverh atanga thingkung ro tak tak tlan pel zut zut chu min thlirtir ta zawk a. Eng vangin nge thlasik hi ka lo duh thin pawh ka hre tawh lo. Engkim mai chu a chuaiin a thim ruih a. Nunna nei lo ang mai an ni.

​Maryland ramri kan thlen thlengin ka la tuar hram hram a. Chutah chuan ruah a rawn sur tan a, tukverh darthlalangah chuan ruah mal chu a rawn parh chuai chuai a. Alex-an ruah sur hnuaia ka tan laia min rawn hruai ni kha ka hrechhuak thut a, chutah zawng... ka puak keh ta hawk mai.

​Darkar tam tak liam ta—thla tam tak liam ta—chhunga ka thinlunga tawt up up mai kha a ruala rawn phur chhuak ang maiin a rawn awm a. Tui lianin phai tualte a len ang mai hian ka na vawng vawng a, dan pawh ka tum lo. Ka natna te, ka thinrimna te, ka lungchhiatna leh phatsan ka nihna zawng zawngte chu ka inluantir tawp a—ka tap nasa lutuk chu ka mit a thip hlur a, ka taksate chu a khur hlawk hlawk hial a ni.

​Eng tin tin emaw Bridget-i mal chungah ka lo bawk reng a, ani chuan ka sam tuai hliau hliau pahin min hnem mawlh mawlh a. Lal fanu mal chunga han tah tawp chu thil zahthlak tak tur a ni na a, mahse zahna chang pawh ka hre tawh lo.

​Eng vanga keimah kher hi nge ni fo?

​Eng nge keimahah hian hmangaih tlak loh leh bum awlsam em em tur hi awm bik?

​Ka rawng duh ber.

Eng.

​Ice cream ka duh ber.

Mint chocolate chip.

​I tello chuan thim hnuaia bo ang ka ni, Sunshine. Nang hi ka khawvel eng i ni.

​Dawt. A vaiin dawt vek.

​Min fawhna zawng zawng te, a tawngkam zawng zawng te, leh hun hlu tak ka lo hmanpui tawh zawng zawng te kha... a hmelhem zo ta vek.

​Ka mit chu a sa vawng vawng a. Ka thaw a chham lek lek bawk. Ka taksa pawnlam leh chhunglam chu a na chhuak vek a, ka thlarau hial tina khawpin ka tap ta tlawk tlawk a.

​Michael-a’n dawt min hrilh a. Alex-a’n dawt min hrilh bawk. Ni khat, kar khat, emaw thla ruk chauh pawh ni lovin, kum tam tak chhung dawt min lo hrilh tawh a ni.

​Ka chhungrila eng emaw hi a keh chhia a, ka thinlung keh chhia chauh ni lovin, hmeichhe naupang—khawvel hi a thata, eng leh hmangaihna hi a awm tak tak a ni tih ring thin tu—atan khan ka tap a ni.

​Kha hmeichhe naupang kha chu a awm tawh lo.