DRUGS DEALER Chapter 2

🕒 15 min read · 🔢 2977 words

STORYFB.COM
Mizo fashion
FAQMCPHelloween fambol
PortalMizo StoryLong story and EpisodeSearch
DRUGS DEALER Bung 2 na

Search this topic…
1 post • Page 1 of 1

Helloween fambol
DRUGS DEALER Bung 2 na
Post February 17th, 2025, 5:07 pm

Hlimawmi pov :

Call ka dawng a screen ka en chuan Alex a lo ni teh hlawl chuan a....rang tak in ka la vat a..

" Ka pa te an lo kal em ni" a rawn ti nghal a....a hria emaw ni..

Alex hian apa min Hmuhsit dan leh min ngaihnep zia hi a hre ve reng a...a pa nen pawh an in hauh phah fo ... Alex hian min tan thin vang hian a chhungte pawh hian an hau nasa thin...

Ni e Alex chhungte hian kan inkawp hi an duhlo lawm a chhanpawh kan thil zawrh thin an hre ve reng a chuvang nih ka ring...

" Aho lutuk " ka lo tihve chuan Alex chu a thaw ri hawk a..

" Duhtak ka pa in engtin pawh in ti che sela haw lo hram rawh aw..keimah vang tal pawh in " a rawn ti a... A rilru hi chu. Atha ve ngawt mai...m

" Tehreng mai i rilru ti hah duh suh " ka lo ti vat a...ka nui ve sen sen maii.....

Rei ngial kan in Biak hnu chuan call chu kan titawp ve thei ta hram a....ka hun hman mek hi ka Ning kan dinhmun vang pawh hian rual ka pawl ngai lo tiang hringnun hi ka kham takzet..

Alex nen kan inneih theih chu ringlo mah ila ka beisei fan tho a amah in min duh phawt chuan...dar zet ka en chuan dar 11 a lo ti dawn tawh chu niin peihlo zet in ka khum tang chuan ka tho a....sitting room ka thleng chuan Tumah an awmlo..an leng chhuak lehtawh nih ka ring e...

Chaw te ei in ka eina ka silfel zawh chuan ka dan ngai te in mahni in inah ka awm leh rek rek tawh....kan thenawmnu nu malsawmi a rawn lut nawlh a..

" Khawnge i nu te" dam dap hian a ti a..nu malsawmi hi chu a fel a kan in ah awn hian a rawn chuangkai lut ve zeuh zeuh thin..

" An leng niang" ka lo ti ve nghal a..kawngka bulah a ding reng a...

" Aw nihchu nu malsawmin Biak lawk che a duh a tiin i nu bulah i lo sawi mai dawn nia aw" a lo ti a..bu nghat nghat ka lo hrilhtur thu ka hrilh ve nghal a...

Nu malsawmi chhuah hnu chuan khum lam bawk ka pan leh a.....an phone chu ka khawih melh melh reng maii....

" Lalhlimawm pawisa minlo pe teh " tiri vang in ka muhil lai chu ka harh zawk a....khua pawh a lo tlai hmel ruih tawh...ka room kawngka bulah chuan fela hi a lo ding a..a mitmeng a tang sawn damdawi a rui leh tawh niang ma.w.a duh duh hun ah hian pawisa hi min rawn dil a..

" I pawisa ka kawl in i hria em ni" khum a tang a thawh kan pah in ka ti a...ka melh ram ram maii...ding pawh a ding nghet thei chang chang nia ti chung hian ruih belh chu a la tum awm chu ni sia..

" Min rawn pe vat rawh...damdawi hralhna pawisa i hlep ru thin nilo mi" a rawn tih leh chuan ka ter at mai...ka ding chhuak hluai a...fela chu ka melh kar a a ni pawh in min melh ve kar mai..

" Pawisa i duh chuan va inhlawh rawh " ka ti ve hmak a...fela chu a thinrim hmel khawp mai....ka hlau therte lo...

" Chaltlai reuh lutuk zilhloh fa tih tak ah i nu hian a enkawl duh mai mai che ni " a rawn ti leh a..ka hriat sa ani ka nu bulah hian min hek zawt zawt zel ...

" Ui vakvai mai mai kan tuam hlawm che a zah na pawh i nei lo nimo " nui lui sak pah a ka tih chuan ka hmai chu a ri thlawp a...ka hai sawk thei...tha a la ngah hle mai maw....vawikhat mah hepa hian kut minla thlak ngai miahlo a chaklo vang..

" Tikhan min ti Suh..ka hnawt chhuak thei che tih i hrelo mi" a kut zungchal a min kawh sawk sawk pah a a tih chuan..

Ka room kawngka bula ka tiang dah chu ka hmu a ka ban vut a .ka room kawngka bul a ding fela chu ka hlap chawrh a...a ding nghetlo sa bawk nen chhuatah a tlu tawp mai.....

" Lalhlimawm " fela chuan a ti kha kha a mahse ka vuak zawm mawlh mawlh tho kut te min han thlak ve chu le....

Fela chu sitting room lam ah a tawlhhnung dawt dawt a ka vaw chawrh chawrh tho a lo inveng ve a mahse a tre nasa mai...ani rui tawh chuan min hneh lo nia nge.....

" Awiii leh. " Ka nu kawngka tang a rawn lut mek chuan au chul pah hian a rawn ti a...ka che chu ka tawp ve chiah ka thaw hlawi hlawi mai...

Ka nu chuan fela chu a khawih nghal a...a taksa pawnlam ah thisen emaw engmah a awmlo mahse a taksa chu ka ve viau ang..ka nu chuan fela chu a be mawlh mawlh a fela erawh a rum truah truah a....min lo melh ngur thung....

" I Ngam chuan kut min han thlak leh teh " ti sap in ka room lam chu ka pan nghal a.....ka nu awri ka hriat vang in ka ding chawt

" Lalhlimawm engtin pawh ti che sela ipa a ni a ngaihdam dil rawh " a tiri ka hriat chuan ka nghing dawt nimai hian ka hria...ka nu hian vawi khatmah ka hmingpum in minla ko ngai lo ... Fela tehhrep hian a thunun hneh hle niang maw...

" Kha mihring kha ka pa a nilo..chuan ngaihdam dil ai chuan chhuah pawh ka thlang zawk " ka nu lam hawi pah a ka tih chuan ka nu chuan thip zet in min melh a....

Hepa vang mai mai a ka nu mitmeng thip leh thinrim hmel ka hmachhawn mai hi ka rilru a na....ka nu chu fela lu dawm in a thu ran a... Min melhran bawk...

" I dil dawn lo nih chuan chhuak rawh " ka nu chuan sehchilh zet hian a ti a.. ka nui lui hawk bawk....

Ka tiang ken chu lek kang pah in fela chu ka kawk ran a..fela erawh a nui sawng maii..

" Hepa vang hian kei i fanu hi min hnawtchhuak ang maw " ka tih chuan ka nu chuan a lu. Abu nghut a...nui chhuak hawk in

" Awle inchhir Suh ang che i thisen zawm pui aiin i sum leh i taksa duhtu chauh hi i thlang ang maw " ka ti hrawk a...ka nu erawh in min melh tawh lo ....

Fela lo nui sawmg chu ka pan hnai mial mial a..ka tiang ken lai chuan vawithum zet ka vaw leh a.ma rak nasa mai ka nu erawh in engtin mah a chhan tawhlo hrim hrim a awm ngai ngai in a awm reng thung...ka tiang ken chu ka chhuatah chuan ka paithla nghal a..thaw hlawi hlawi pah in ka nu chu ka melh a..

" Hepa vang mai a i fanu i hrinchhuah ngei chhuak rawh i ti thei chu ka dem hle mai che.......i duh angin ka chhuak khawp ang tun a ka hringnun pawh hi ka kham tawh hle bawk....min rawn umzui lola min buaipui emaw kha tum duhsuh ang che " ka ti chang fak a..ka room lam ka pan nghal hmak a..ka slipper leh ka phone chu lain sitting room lamchu ka pan a..

Ka nu ngawi reng a lo thu chu en pawh en tawhlo in ka chhuak hmak tawh kawngka chu ring zet in ka khar bur bawk...mka thinrim lutuk chu ka sa pup pup nimai hian ka hria.....ka tawt tung bawk...

Pan tur hrelo chuan ka hma lam ah chuan ka kal mawp mawp a..ka nu tawngkam kha ka bengah a lut zawt mai ..ka na veng veng bawk...

Fela vang a kan nufa inkar chhiatna te leh kan inkar hlat nasat zia te ka ngaihtuah let a ka thinrim tun tun maii....khua pawh. Atlai ruih tawh a.. ka hmalam chu ka pan mual mual nimai...

Dawr ka hmuh chuan ka riltam zia ka hrechhuak a...thil te chu ka lei a......ka phone ah g pay ka khawih vangin ka buai lo ...

Vengthlang lam pan in ka thil lei khai bawr teuh chung chuan ka kal thla vawk vawk a...ka thlen meuh chuan khua chu a thim ruai tawh....min hmutu te chuan minen zui vawng vawng hlawm a engah mah ka ngai chuanglo an ni pawh in kan chanchin chu an sawi peih leh viau ang hre ngat sela chuan...

Bung lian zet bulah ka thu ran a ka thil lei te chu ka ei mawlh mawlh a... Ka ngaihtuahna ka kawm melh melh bawk .... Ka hun tawn te hi Ning tak ka ni Ning tak.......khua a thim vang in ka phone torch chu ka en bawk .hmeichhia mah niila hmun fianrial a mahni a awm chu ka hlau hauhlo..ka tihloh dan pawh a nilo ...

Ka phone a rawn ri a..screen ka en chuan Alex a lo ni ka la vat a..

" Khawnge i awm " thaw hlawi pah in a rawn ti a a hah hmel hle bawk.....min zawng emaw ni chu

" Keimah a awm ka duh " ka ti sap a..phone chu ka off nghal hmak a...Alex mah nise tun hunah chuan ka be chak lem lo....

Ciggerate chu la chhuak in ka tan nghal a....ka hip lut vang vang a .... Ka rilru hah tlemte chu a chhawk ve in ka hria.... Kir leh emaw ka tum tawhlo pawisa ka lo inkhawl ve nual tawh vang in in ka luah hrang mai ang ka ti rilru neuh neuh a . Kha fela kha kan in a awm chhung chuan ka kir tawhlo ang.....

Thereng hram ri chu ka ngaithla vang vang a ka awmna hi vengthlang ber a ni a .in pawh a awm tawhlo ... Nula thlang valin tawm nan an hmang tihloh ah chuan an kal vak ngailo....

Ka rilru na lutuk leh thinrim vang chuan ka thin chu a tawt up up a...Mipa thutin ka thu ran a . Ka hmai chu ka khup ah chuan ka nghat dat a..ka chhing vang vang maii ..

Ka ciggerate hip tum a ka dak chhuak chiah chu torch light eng zet keng a tu emaw rawn kal hi ka hmu a .. a landan ah chuan ka lam a rawn pan nih hmel ...ka ciggerate chu ka hip lut kawk a ka hma a lokal chu ka en kar maii ..

Reiloah ka bul a rawn thleng a .ka phone torch chauh ka hman vangin a hmel ka hmu theilo... A mah pawhin torch light a ken vang in min chhun chiah lo mahse ka mit a tivai lek lek ...ka hma ah tak a rawn ding a

" Hetah nangmah in enge i tih " Mipa aw hian dam dap hian a ti am.a torch eng ken pawh hnuai lamah a khai thla ngal a...a hmel chu chuanglo riai in ka hmu a ka hriat zawng emaw a ni hauhlo...

" Ka thu " ka ti hmuk a. ..chupa chu ka piah deuh sir ah a rawn thu thla a a torch ken pawh a thutna bulah a dah nghal a...kei erawh ka ciggerate chu ka zu mawlh mawlh..

" Chaw pangngai ei ta che " a rawn ti leh a a lamchu ka hawi vut a.. torch eng chuan a hmel chu a chhun ralh a...

A hmel chu a la naupang ve hmel tlat... A hmaifang invuah dik zaih leh a hmui a tawk chiah a chah chu ka en kar torch light engkar ah hmu mah ila a landan saw a cool ruih mai...a mitmeng saw a dam hmel thlup maii...ka vawikhat hmuhna a ni....ka nuih sak a..

" Ka ril a tam vaklo va " nelawm thei tur ang ber chuan ka ti a...chupa pawh chu a nui ve suk maii....ka en reng vang NGE a hma lam chu a melh daih a..

" Haw i tumlo em ni" a ti dam leh dap a....kei erawh in ka la meng ran thung..

" Tumlo" ka lo ti ve sap a..

" Engtin nge tah hian ka awm tih i hriat theih " ka tih chuan a lo hawi zawk a a hmalam melh leh pah in

" Tlai thim dawn a i chhuk thla kha ka hmu a " a rawn ti leh a ka bu nghat nghat ringawt..ka ciggerate chu ka hip lut leh kawk phawt a...

" Tunge i hming " ka tihchuan min lo melh leh vat a ka mitah tak min rawn en a...keipawh in ka en ve kar a...

" Remsangzuala ka nia..nangve " nelawm tak in a ti a a nuisang bawk..

" Lalhlimawmi..engtin nge ka koh ve ang che " ka lo tihve chuan. A hmalam chu a melh leh daih a...

" Sangzual min ti thin " a ti sup a..ka nui sen sen a..

" Ummm keipawh Hlimi min ti thin " ka lo ti ve a...hmalam melh in a nui suk a....a hmel dam dap leh a aw nelawm tak vang sawn ka nel phah dawn in ka hre tlat..

" He khua ah hian i awm ve ami " ka tihchuan a bu nghut a...

" Awm tih ah ka pa te ka rawn tlawh a " a ti a.. min melh leh ngam tawh miahlo...

" Aw tute nge ipa te chu " zawtchik min ti viau ang mahse ka hre chak tlat ka vawikhat hmuhna nih vang te pawh niang..

"RK vanlalrawna * a tih chuan ka ngaihtuah zui melh melh a..a hming chu ka hriat hnu a ni ka hmalam melh in ka ngaihtuah zui vang vang a....sangzuala pawh in min rawn en ve in

" I hrengai nage " ti a a nui chu a ha uingho nalh zet chu a rawn lang a...ka nuih ver ver a..ka lo ka lo thing nar nar a..

" Pastor " a ti chiah chu ka hrechhuak zawk mai ni dawn tak e....inkhawm ngailo tih tak ah kan pastor hming pawh ka lo hrechiang hleihnem ...

" Ohhh ka hmungailo em che a ka zawt mai mai che " ka ti a..ka thinrim tun leh ka rilru na te kha an bo diak emaw tih tur ani..ka bula thu hmel nelawm tak leh dam dap sawn min thlak danglam hneh em ni...

" Nia ka rawn kal khat ve a " tiin a hmalam chu a melh leh daih a..

" Haw i tum hnai tawh em " a rawn tih chuan

" Haw na tur ka neilo " ka ti nghut a ciggerate chu k phawrh leh a ka tan zawm nghal zat bawkk...ka hip lut kawk a ..sangzualan min lo en reng vang chuan ka melh ve a..

" I zu ve duh em " ka tih chuan a lu a lo thing nar nar a...

" Ka zu ngailo " a ti a a hmalam a melhleh daih tawh...

" Mi tupawh hian kan hringnun ah harsatna leh hreawmna chu kan hmachhawn thin mahse chu thil kan hmachhawn chuan kan nun hi hruai sual suh se...." A ti dap dap a..kei erawh min en tawhlo

" Hmeichhia mahni chauh a hmun fal a awm a tha lo..lokal rawh chho ang " tiin a chhak lam chu a kawk zeuh a.....ka lu ka thing nar nar a....

" Han haw tawh rawh..ka ngaihtuah awm loh ...." Ka tih chuan min melh ve reng a..

" Miin min hmuh dun chuan an sawiduh lutuk ang che..pastor fapa i nihkha " nui sang chungchuan ka ti a..a ni pawh a nui ve suk suk maii..a hmel nelawm tak saw hmuh nuam ak ti hle maii....

" Duhtak " tiri ka hria ka hriatna lam ka en chuan Alex chu torch nen a lo dinga min melh ran bawkk......

" Ka zawng nasa lutuk che " tiin min rawn pan hnai a ka bulah a rawn thu tharh a...chuk zet in min en bawk.........

" U sangzual i awmna rei tawh em " Alex chuan tiin sangzuala chua. En a..u tiin a ko em ni..a upat hmelloh ka lo ti asin.

" Rei vaklo ve..hei a mahin ka hmu a ka pan ve mai. Anih hi"damdap bawkin a ti leh a....

" Kha awmpui tu i nei tawh tho a..ka kal ange .. inah haw vat intum dawn nia " sangzuala chuan min melh pah in a ti a a ding hluai bawk.....

" Tehreng mai kan lawm e " tiin Alex chuan a chhang a..kei erawh hmundang melh in ka ciggerate chu ka zu hlat hlat maiii.....

Alex nen chuan rei tawk fan kan awm a...kan in a haw tur in min ti a mahse ka duh thak loh vang in min ti lui tawhlo...ka bialpa a ni a an inah min hruai haw ve mai te chu ka ring tlat bawk ... Mahse chutiang lam engmah a sawilo reng reng .......

Ka haw duhloh vangin bung bulah chuan zanah kan riak tawp a..Alex pawh ka bulah a awm ve reng a ka hlim veng veng maiii...mahse sangzuala te reuh kha ka ngaihtuah chhuak zel reuh nihchu.......mak tak a ni..

Muttui u .... Enge a ang dawn a in hriat ngaihnawm in tih hmel em comment lamah han sawi teh uuu
Show post links
Top
ADVERTISEMENT (A hnuai a milem hi a nia hmeh zeuh tur chu)
1 post • Page 1 of 1

Who is online
Users browsing this forum: Helloween fambol and 21 guests

⬅ Previous Chapter Next Chapter ➡