Tawpna

ka stroy ziah hmasak ber ania,a ngaihnawm dawn loh tih chu ka hre tho a😆..mahse min lo chhiar sak ve hram hram ula ka lawm viau ang

"Te thinrim tawh lo la,mawh mm?" Sangpuia chuan dam thlap hian a tia 'ka ning,eng nge a Biak tur a I awm ziah" ka lo ti vin hlar thung,"Amak,engtin mah ka chhang let ngai lo ,ka nu pangpar chi a la awm nge awm lo ka nu lo zawt turin min tia ka zawh sak..a lo la nei a..chu chu ka hrilh a a ni mai " Sangpuia chuan a ti leh a,ka la lungawi Chuang lo "a biak ngamna turin i awm a,i la reply zui,,ka thik zia i hre vek" ka ti leh hlak hlak a, ka zep lo,ka thikthu a chhia, Sangpuia lakah ngat phei chuan chhe tak ani..,"i duh leh block rawh" atia, "ka duh bawk lo" ka ti vin leh hlar ,aman a phone chu min lak sak a,a khawih mual mual a"kha ka block tawh" a ti leh hluk a,ka la melh ram ram tho,ka darah chuan min lo kuah thurh a,ka lo inkuangkuah fel than thung,"nangmah lo chu Tumah ka duh lo,ka mitah I tha ber ka tih fo kha" a ti sup sup a,ka la ngawi kar tho..ka thin chu rim tawh lo mahse hetia han tihtauh der vel hi anuam ka ti tlat pek, a tawpah chuan kan nui dun leh ta nge nge e

Tha te te chuan kan inkhalh ho a,ka in luah ka thlen chuan a bike atangin ka chhuk tharah,"in ka thlen veleh ka lo bia ang che" a ti sup a,aw ka lo pawh vat

Ka hming chu Zohmangaihkimi ani a..kim kim emaw akim tiin min ko thin,tunah hian ka kum 26 na ka hmang mek..kan chhungkua hi kan harsa vak lo a..hausa le lu kan ni chuang lo,ka pa hian sawrkarah hna chhe te a nei ve a,ka nu erawh house wife,ka nu chhul a pan avangin keimah chiah fa min nei a..min duat viau,ka duh engkim min tih sak tiila ka sawi sual lo ang..naupang dang nena cheng dun lo na fam chu ka puitling khup a..fanu duat sual theih loh an tih kha ka nia

Kum 24 ka nih khan B.Ed ka zo a..ka pa party belh a fuh avangin kan veng sawrkar school-ah zirtirtu ah ka in ziak tling ve hlauh a higher ka zirtir nghe nghe ..kum 1 zen zawn kan venga ka thawh hnuah lungdaiah min sawn hlauh mai a..ka nu rem ti vak lo chungin ka han chhuk ve ta rawih a,ka pa erawh chuan chu e kha e a ti chuang hlei law,lungdaiah chhungte nei hek lo i,an khaw vcp te inah ka thleng rawiha,an lo fel em em a..ka vannei tak tak..kar 1 ka awm hnuah ka thawhna nena in hnaih takah inluah tur ka hmu hlauh a..ka insuan lut ve a..keimah a awmna tur atan chuan a lian mah mah ani.

Thla 1 dawn ka awm hnuah chuan ka tlang nel ve ta viau a,thawhpui te an felin min ti tlangnel thuai a,miss Mami nen kan inkawp deuh chawt bawk..inleng te hi ka nei ve reng a,ka lunglen hman meuh lo..ka tlangnel ta mah mah a ni deuh nge ni ka nu pawh a rawn vui ve niah niah zel..nufa ngang kan ni bawk a

Lawmsangpuia nen hian engtin tin emaw kan ni ve hlawl a..keiin kum 5 zetin a nau! Ka thawhnaah class 12 anih laiin kan inngaihzawng..exam dawnah hian school a ka zirtir piah lamah inah tuition a duh tan ka pe thin a..Math ka la a..a har dawn tih ka hriat vang ani pakhat,ta tang reuh chuan ania kan inngaihzawn chhoh ni..a tir chuan keia a naupang vang hrim hrim pawn ka chhang duh lawk lo a..mahse hmeichhia chu a chul nel peih peih an tih ang deuhin rei ngial hnuah ka chhang ve ta chauh kha ania ka bialpa 2 na chauh ani..amah tak phei chu a chhe hran lo a, an khuaah chuan a awm thei pawl tak an ni bawk hmeichhe lamah pawh a tla na fu..lehkha a thiam avangin zirtirtu te fak pawh a dawng fo a,ka lo chhuang ru thei lutuk ka in ah hian an thian ho in games an rawn khel thin a,ka in hrik an ni hawt e..kei aiin a naupang na vang vang a,min duatin a dawhthei em em a..ka thinrim changa ka an khum hrep pawn min chhang let ngai lo,ka thinrim zawh hun a a nghak mai thin..mipa tha ber a va ni chiang tak! A chang chuan a naupan zawk na hi a lang leh thin a..a changin a titau ve bar bar a,panchang chang a nei bawk..a titau han thlem vel hi anuam ka tia..chu chu a hre ran a..a chang chuan a titau der ve thin..

Class 12 a zawh hnuah a chhungten aizawl lamah college kal turin an ti a..a hriat ni la la in ka in luahah a rawn kal " te,ka kal duh lo..nangmah hlat taka ka awm theih ka ring lo" a ti hnual raih hmel kha ka mitthla chang hian ka la nat pui thei! "Duatpa,i awm angai alawm..hna tha deuh i nei anga min la chawm dawn alawm" ka tih seuh seuh takah chuan a lung a awi chawp veleh mai a! He mipa rilru tluan zia hi chu aww

Ka thawhpui,sir Tluanga hi a thik tlat pek a..zanah hian a rawn leng ve fo bawk nen "mipa ka nia, a melh danah che a duh che tih ka hria" a ti hluk hluk a.."sir Tluanga nen te chuan thawk dun satliah alawm kan nih" ka tih pawn "be tawh lo la a ni mai" a ti hmak reuh a..a tum ber bawk..a inkuangkuah fel than leh nghal..mipa naupang a thil dil an tih sak duh lo hi a ang lutuk..ka nui rah rah a "nui suh" a ti leh hmuk.."ka duatpa hi a thinrim ami aw? Vuan loin a nui thei angem?" Ka tih chuan lehlam a hawi hmak a,a nui suk chu ka hmu hman tho," ka duatpa in a duh loh chuan kan be lo mai ang" ka tih leh chuan a rawn inher ta nge nge..a nui sen sen a,a biang sum a khuar kalh bawk..a mitmeng a nung sarh bawk..piai nawk nawk ka chak lutuk

Aizawlah chuan a awm thla ta nge nge a,a thianpa Sawma nen an ni nghe nghe..hostel-a a awm peih loh avangin in an luah a...ka ngai a,kei ai nasa in min ngai tih ka hre bawk,nitin hian min bia a..min thlahlel a,keipawn ka thlahlel em em bawk "te,i awm ve si lo a..a nuam lo,ka ngai lutuk che" a tih phei chuan ka khawngaih lutuk hi ka tap lek lek zel

Nikhat..ka school bang chu bazarah chawhmeh lei turin ka kal a,tah chuan Sangpuia nu,nu Mahriati nen kan inhmu hlawl a..amah hi meng thip ram chi ania..nu lian tih takah a sam a kir chap bawk, mi sawi dan hmangin a nasa ve tho khat tih ka hre bawk a"Akim..in be lawk ila?" A tih chuan aw ka lo pawh vat a..kan piaha thingpui dawrah chuan kan lut nghal..kan thut hnu chuan nula pakhat hian kan ei duh min rawn zawt a."i duh chah rawh,kei chuan thingpui ka lo in ang" a ti hmuk a..a nuam lo ka ti deuh chu ka insiam tha sek a.."Aa,nu mahriat ka ril a tam lo em mai..engmah ka ei lo mai ang" ka tih chuan a bu nghat a,nula pawh chu a kalsawn nghal.. thingpui no khat an rawn dah hnu chuan a dawt khalh a, "ka sawi dawt anga..nangmah ka huat vang che ani lo tih hre hmasa phawt la" a ti hmasa te te a "ka fapa nen inchanchin ka lo hria a,in kum inthlauh zia i hriat ka ring..kalsan la ka duh a" a tih chuan ka chil ka lem khawlh a "nang chu a upa zawk i ni a,i hmalam hun ka dawn vang ani pakhat,innei ta tehreng pawh ni ula,a rei hnuah in kum inthlauhna a rawn lang thuai anga,i lakah lawmna a hmuh loh chinah chuan a uire thei" a ti leh fak fak a,sawi tur reng reng ka hre lo "nang chu nula bright tak i ni tih ka hria,i puitling hle tih pawh mi ka atangin ka hre bawk a..ka thusawi hi i hriat thiam mai ka ring,Akim" a ti leh a..ka ngaihtuah chian chuan a thusawiah khan dik lohna pakhat mah ka hre lo "sangpuia chu a luhlul a,a thu a duhin a ngawhngawl viau bawk,nangmah kalsan turin hrilh ngat ila chu kan lakah a thinrim dawn a,nangma kutah ka innghat ania" a tih chhunzawm leh a..a thingpui chu in zo in a tho tharh a.."ka kalsan ang che,ka thusawi kha hre reng la" tih pahin rawn hawi let miah lo in a kal nghal..thu kam khat pawh ka sawi ve hman lo..ka haw kawngah chuan ka inngaihtuah rauh rauh a,Sangpuia ka duh zia te ka hre thar awn awn..han then ngawt pawh chu ka thei ange maw..ka inngaihtuah vang vang hnu chuan thuthlukna harsa tak ka siam ta a..ka inchhir loh ngei ka beisei

Zanah chuan Sangpuia nen chuan kan inbe leh ta ngei a "duatpa..kan tawp hi a tha berin ka hria" ka tih chuan "Enga?" A rawn ti tuar a..ka chhing sawk "kan kum a inthlauh mai bakah i hmalam hun ka ti chhe duh lo" ka tih chuan a ngawi vang vang a,"Te,ka duh lo..nang kalsan hi thih hrehin ka hreh..bakah ka hmalam hun hi nangmah nen vek asin ka ngaihtuah, i ti chhe dawn reng reng lo..nangmah vangin hlawhtling ka chak zawk asin" a tih chuan ka mittui a tla zawih theih..ka tih ngei angai tia mahni infuih chungin "Duatpa..ih e..keini chu kan rem thei ve ngai dawn lo....ka nep,ka in hria mahse kan nat tak tak hma hian tawp mai ang...tih nat che ka duh lo" ka tih sep sep chuan a ngawi reng a..ka dah ta,ni e ani nena kan inkar chu a tawp ta,ka tih pawh ka rin ngai loh leh ka beisei loh thil ani...

ka muhil thei lo chu ka let ka let mai a ruah lah chu a baw hawk hawk mai leh nghal...a tuk chu Saturday anih tho a,zia tak a la awm..zing dar 4 velah chuan ka kawngkhar chu an rawn chum bur bur a,ruah pawh a la sur buan buan ,tho chhuakin room atang chuan ka chhuak thuai a,ka chemte chu ka hum ran bawk,"Tu nge?" Ka ti khur dat "te,keimah..lo hawng teh" chu aw chu ka hai mawlh lo! Amah Vansangpuia ngei ani..kawngkhar chu ka hawng thuai a..ding far tluk tluk chung chuan mitmeng sen ramin min melh a,ka luh tir thuai "ti nge i rawn kal a? I dam lo anga sin" ka tihna te chu hre lo ang hmak hian a awm reuh a..a ding ngur bawk.. ka chemte ken chu a bawmah ka dah a,ka roomah chuan lutin ka towel pakhat chu chhuar chhung atangin ka la a,ka chhuak leh thuai..a dinna ngaiah chuan a lo la ding reng..towel chu pein "kha in hru hul rawh" ka ti leh sap a..mitmeng sen rama min melh in "te,ngati nge?" Tih chauh hi a sawi a..nia he mipa..in ti pa tak hi a mittui a tla! Chu pawh keimah vangin...en rei ngam lo in ka hawi sawn thuai a,"in hru hul vat vat rawh,i dam lo ange" ka tih chuan min rawn kuah thlawp a ka nghawngah a hmai phumin a tap khur dat dat a,tih ngaihna ka va han hre tawh lo em!.." te,kan inkar hi tih tawp ka duh lo...a hrehawm lutuk" rawn hawi chhuah pah hian a ti a, a tahna avangin a mit sen tawh sa kha a sen belh ram a,mittui a tling khat vek bawk, ka kut rawn la in a thin chu min dawm tir a" Te..hei,he lai hi ana lutuk..i tel lo chuan phut ngaihna a hre lo..nangmah vanga phu ve mai mai anih hi "! Aww..Lawmsangpuia ka rilru i va ti na em! "Duatpa..ka sawi tawh kha kan rem tawh lo..nga ti nge I hriat thiam duh lo" ka tih chuan a kut phah hlai zet chuan ka hmai a rawn khuap a " Te..thil i ngaihtuah nasa lutuk a,i lungngai anih kha. Min en ta che,i tel lo chuan ka kehchhia asin,hlutna nei lo mihring mai ka nih hi" a rawn tih chhuah hrawih chuan ka hmui ka pet fan fan mai..nia,thuthlukna ka siam sual ani..a that zawk beiseiin ka kal tir a; a tawpah chuan kan pahnih tho in kan na...midang ka dawn nasat luatah ka mipa hmangaih ka ti na a,keipawh ka na tel ve tho si..kan pahnih hringnun chu a la tawp reng reng lo a..ziah tur tam tak a la awm.."duatpa..min ngaidam rawh aw,ka tih nat che avangin" ka tih chuan min rawn fawp nghal a..min fawhna chu a duhtawh a..a natna zawng zawng phawrh tum ni awm takin a duhthawh..keipawh chuan ka fawp let thuai a..hei hi ka chiang,he mipa hi engtikah mah ka kal tir leh tawh ngai lo ang! A chhan chu maw..ka hmangaih a,ka hmangaih aia letin min hmangaih tih ka hre bawk! Kan inkar tih tawp tuma ka ngaihtuahna sen zo zai te kha ka ui a,a taka ka tih tawp te kha ka inchhir bawk! Rei tawk fang kan infawh hnu chuan kan inmelh leh vang vang a "duatpa inhru hul rawh,i dam lo ang" ka tih sap chuan thu awih deuh hian towel dawhkana ka dah chu a la a..a inhru hul sawk sawk bawk,ka thawmhnaw neih lian ber ha-in ka khumah chuan inkuah rialin kan mu a..kan ti ti sep sep a,a changin kan nui kar kar bawk..ani nena awmdun chu a thlamuang thlaka,a hlimawm bawk...ka lungngaihna leh ka ipikna ka hre reng ngai lo..a tukah chuan a bike in Aizawl lam a pan leh ta vang vang a

Nu Mahriatin a thusawi ka zawm lo tih a hriat rual rualin ka inah min rawn kal chilh,min ankhum phiar phiar bawk..ka chhang let lo a,ngawi rengin ka dawh tawp "Mihurnu, i kum rualpui ngaihzawn tur i hmu hlawl lo ami? ngah nge ka fapa kher i rawn tih buai! hre rawh kan chhungkuain kan duh lo che..tha te te a thil sawi pawh zawm duh lo,hmeichhe rapthlak lutuk..Sangpuia hi nupui kan neih tir dawna,thlah hmak ang che" a tih phiar phiar te chuan hawi ngaihna ka hre lo..ka kun tlawk tlawk ringawt,a duh tawka min an khum hnuah chauh a haw..thil thleng chu engmah Sangpuia ka hrilh lo,a rilru a nat ka hlau vang a ni ber

Hunpui a rawn inher chhuak a Aizawl lamah ka chhuk ta lo..helamah a pawt tu a na em a tin ni,Boney M leh Rebecca an inzai chhawk reng a..kan nghakhlel tlang ani e! Sangpuia pawh ni 19 ah a rawn chho a,kan inngai bawk a..zantin a rawn leng

Zankhat a rawn leng chu side table a a dah phone chu a ri reng a,ka en chak tlat pek! Ka thikthu hi a chhe na vang vangin rin turin a awm miau a..han rinhleh na ka nei ngai lo..phone in check sak tih vel hi kan nei ngai lo bawk..noodle kan ei tur a chhum lai chu remchangah la in a phone chu ka ban zal zal a..ka hawng zui zat..a WhatsApp kan en nak chuan "Fiona" tih hmingpu hian a lo be nasa mai a..mahse sangpuia chuan a chhang let ngai lo thung,a phone hum ranin chokaa a chet surh surhna bulah chuan ka ding a "hei tu nge" tih pahin a phone chu a hmaiah ka lek vah "Fiona anih kha,vengchhak a mi..Pu Chhunga fanu kha" a tih chuan ka ngaihtuah vang vang a..ka hre ta! Tleirawl hmel tha zet kha ani.."a va be nasa che ve" ka tih chuan "min star ve deuh a" a ti sam et a..ka ngei reuh tak tak "mitmei i hmuh ani maw" ka tih leh chuan " teuh lo" a ti hluk a..ka mitah tak en chung hian "te,ka duh ber che" a ti sup a..ka tlawm leh ta nge nge e

Zankhat chu a bikein kawnchei kan fang ve a.. kawnga thuthlengah kan thu a,a phone a thla kan lak lain WhatsApp notificationah Fiona bawk chu ka hmu leh a,chat-ah ka lut zui thuai....ka tum ta bar,Fionain a biak vangin ka thinrim teh meuh mai..mahse a reply ve kher chuan ka lung a ti awi lo zual..

"Te thinrim tawh lo la,mawh mm?" Sangpuia chuan dam thlap hian a tia 'ka ning,eng nge a Biak tur a I awm ziah" ka lo ti vin hlar thung,"Amak,engtin mah ka chhang let ngai lo,ka nu pangpar chi a la awm nge awm lo ka nu lo zawt turin min tua ka zawh sak..a lo la nei a..chu chu ka ..a lo la nei a..chu chu ka hrilh a a ni mai " Sangpuia chuan a ti leh a,ka la lungawi Chuang lo "a biak ngamna turin i awm a,i la reply zui,ka thik zia i hre vek" ka ti leh hlak hlak a, ka zep lo,ka thikthu a chhia, Sangpuia lakah ngat phei chuan chhe tak ani..,"i duh leh block rawh" a ti leh a,"ka duh bawk lo" ka lo ti vin leh hlar aman a phone chu a la a,a khawih mual mual a"kha ka block tawh" a ti leh hluk a,ka la melh ram ram tho,ka darah chuan min lo kuah thurh a,ka lo inkuangkuah fel than thung,"nangmah lo chu tumah ka duh lo,ka mitah I tha ber ka tih fo kha" a ti sup sup a,ka la ngawi kar tho..ka thin chu rim tawh lo mahse hetia han tihtauh der vel hi nuam ka ti tlat pek, a tawpah chuan kan nui dun leh ta nge nge e

Tha te te chuan kan inkhalh ho a,ka in luah ka thlen chuan a bike atangin ka chhuk tharah,"in ka thlen veleh ka lo bia ang che" a ti sup a,aw ka lo pawh vat

Sangpuia pawh class an tan ni hmain a chhuk thla a,kan inbe deuh reng mai..

Ṭum khat chu,Friday chawlh anih tho avangin Aizawlah ka zu haw thla ve a,..ka nu leh pate chuan min lo lawm ngang mai..ka chawhmeh duh ber te min lo siam sakin min lo duat khawp mai a..keipawn nuam ka ti viau,nu leh pa thlazarna tel loin khi lamah ka awm rei ta bawk nen,ka zu haw thla chu ka nu leh pate ka ngaihzia ka hre thar a ni hawt e..ka chauh deuh avangin dar 8:00pm velah chuan ka mu than tawh a..ka khumah,ka room-ah ngei ka han mu leh ta chu ka hahdam suai suai mai,Sangpuia chu rawn leng turin sawm sa teh mah ila a zah tlat pek avangin a rawn leng ta lo a,a tuka bazar kan tum ta zawk..kan in text malh malh a,ka lo muthilh san daih zui..ka harh chuan a message a lo tam ngang mai a,ka inthlahrung ve viau mai

Tukṭhuan kan eikham chuan ka ti fel sawk sawk a,ka nu chu Tv-en in sitting room-ah a thu a..ka pa erawh a leng thung,ka tih fel zawh chuan sitting room-lam ka pan a,"nu,vawiin chu ka thianpa nen kan bazar dawn ania" ka tih chuan min lo melh vut a,"tu i thianpa ber?" Phawk hmel lek lek hian a ti a..nia thian hi ka ngah lo a,thianpa phei chu ka nei lo..ka thian kawmngeih te chu Rini leh Miss Mami an ni mai.."khutah,Lungdai ami" ka tih chuan a lo hrethiam nghal aniang "han bazar ru..mahse fimkhur la..hmeichhe chu kan hmingchhiatna te hi ho tê a nia,bialpa i neih pawn mawi lo khawp te a in zui tam loh tur..khutah kan hmuh phak lo-in i zu awm a,mite sawi hat te khan i lo zu awm ange,ka hruai haw duh mai ang che" a ti melh melh a,ka pawm pui viau mai.

Dar 12:00 velah Sangpuia chuan min lo lam a,kan in a a rawn luh hreh tlat avangin pawnah,a bike-a thu chungin min lo nghak a..keipawh ka chuang zui thuai,a hnungah chuan ka bei ran a,a kawngah nghet zetin ka kuah bawk a nui nghawr dat a,a kawnga ka kuah na kut chu nghet zet hian a hmer a,kan inkhalh chhuak thuai..bazar kan thlen chuan mi an lo tam fu a,parking lot-ah a bike a park fel hnu chuan kan chhuk a..kut inkai rialin kan kal dun a,ka bula kal mipa hmel tha zet avang chuan ka tum loh deuh hian ka lo hawi sang leh vah thin "Te,i nalh lutuk" a tih chuan ka lo nuih var var a "Nangpawh duatpa i nalh lutuk" ka lo ti let ve vat..mipa thawmhnaw dawrah chuan ka hruai a,"i duh duh thlang rawh,ka leisak ang che" ka tih chuan cotton jean dum pakhat leh long sleeve dark green deuh hi a la a,a man ka pek fel hnu chuan kan chhuak leh nghal..dawr hrang hrangah kan lut kual a,thil pawh kan lei hnem narawh e,aman kan thil lei ho chu a keng vek a,a keng seng lo lam ani "Duatpa thil ei ila" ka tih chuan a lo aw ve mai a...restaurant pakhatah hian kan lut a,a tawp ber chiah thutna ruak a awm avangin chulam chu kan pan zui thuai..kan thut fel hnu chuan menu chu kan en kual a,kan duh zawng ziakin waiter lo kal hnenah chuan kan pe a,kan nghah chhungin kan ti ti sep sep reng a,kan nui dun leh kar kar thin..ka kut chu a khalh pah niap niap reng a,rei fe kan nghah hnuah chuan kan thil chah pawh a rawn thleng ve ta nge nge..an siam tui phian leh nghal a..kan ei zawh chuan a man pe felin kan inzui chhuak leh a..eng ti khaw tlai tawh loin kan inkhalh haw leh ta a,kan in kan thleng chuan lut kawi tura ka sawm tlat avangin zak leh hreh hmel tak hian min zui lut a,tumah lah chu an lo la awm lo zui..thutthleng-ah chuan thuin kan inngheng chial a..thil ka sawi mawlh mawlh lai chuan "te" tiin ka khabe ah a a rawn vuan a,alam hawi turin min kuai her a,min thlakhleh avanga mitmeng de sawr sawr hian min melh,ka hmui chu melh leh in min rawn fawp ta chawt..keipawh chuan uar takin ka lo chhang let ve a,kan duhthawh ta tulh tulh a..a kut pawh a hlei tan ta khawp mai, thutthlengah chuan min bawh thlu in ka hnute te chu a tham tawn tawn a,"te,ka insum thei lo" a tih khur dar dar chuan ka rilru nu but chu a fim tial tial a,a awmah chuan namin "duatpa,kan ti thei lo.."virgin-in kan innei ang" kan tih kha" ka ti tham chhal a..a thaw ham ham a,ka chal chu a a chalin a rawn nawr a, maimichhhing vang vang bawk..a inthu nun theih hnu chuan tho chhuakin "te,ka lawm e aw..nang ka nei che hi ka vannei ka in ti lutuk..ka hmangaih lutuk che nia" a ti sup a,keipawh chu ka tho chhuak a,"insum thei lo-in min ti lui tlat la chu keipawh ka insum reng thei lo ang" a mita en chung hian ka tia,a mitmeng-ah chuan min ngaihsanna leh min hmangaihna ka hmu thei..."thingpui ka lum ang aw" ka tih chuan a bu nghat a..keipawh chu choka lamah ka phei zui thuai..thingpui ka lum lai chuan ka nu a rawn haw a,Sangpuia a hmuh chuan zawhna mitmeng hian min rawn melh zuk zuk a,a nui var var bawk..kei lah chuan engmah ka sawi duh der lo..Sangpuia bulah chuan thu ve in a hming te,a kum zat te a zawt a..an chhungkaw chungchang thleng thleng chuan a zawt a,dilchhut ka lo ti lutuk..Sangpuia lah chu a zak sen tawn tawn a..ka khawngaih reuh tak tak..thingpui pawh chu ka nu ka siam kep ve nghal a,va pe in an bulah chuan ka thu thla ve nghal..Sangpuia pawh chu a thingpui a in zawh chuan rei pawh thu tawh lo in a haw zui thuai a,a haw hnu chuan ka nu pek chuan "Bawihte,a fel hmel khawp kha..a hmel tha reuh si,mahse duh ai chuan a nau mah mah ani..i duh ve hmel sia,in inneih hnuah a rinawm zawh i ring meuh amaw?" a tia "Nu,a rilru a nghet lutuk..chu tia uire mai mai ang chi ani lo" te chu ka ti ve luam a..min chhan leh hmain a phone a ri ta hlauh a,an inbiak chhungin ka roomah ka luh san ta daih..

Tlaiah chuan Sangpuia nen kan in call leh a,ka nu'n a chanchin a sawi dan te chu min zawt a,keipawh chuan ka lo hrilh ve mai "te,ih maw..i upat vang hian ka iai ngai lo ang che,pitar i nih hnu thlengin ka hmangaih ang che..ka hmangaihna che hi engvang mahin a nghing lo ang" tih thu mawlh chuan min hneh ani!

Sunday tlaiah chuan ka pa-in a motorin min thlah a,pafa inpawh tak kan nih avangin tawng hun kan inchan meuh lo..kan ri bawrh bawrh kawng tluang ani mai.

Sangpuia nen pawh kum 3 lai kan inzui ve tawh..kan inkar chu a thianghlim a,a hlimawm bawk..inhauh chang chu nei ve thin mah ila kan inhaw tak tak ngai lo a,rei kan intithinrim ngai hek lo,...Aizawl lamah a la awm reng a,a rawn haw chhoh loh leh keimah ka zu haw thla a,kan inthlahlel a,kan inning ngai reng reng lo.. ral khat atang hian kan thikthu hi a chhe dun ve em em ringawt a,intihtauh chhawk chang te kan nei thin,a ruala kan tihtuah phei hi chuan buaithlak tak ani..mahse a mipa zawk hi a tlawm leh nge nge zel..hmana Nu Mahriatin "Sangpuia hi nupui kan neih tir dawn" a tih kha a lo ti tak tak chu niin "Te,Aizawla ka pa thianpa fanu min neih tir an tum a..inru mai ang" a rawn tih tum chuan ka rilru a buai ve nak mai..mahse keimah berin dan thianghlim ka duh tlat avangin min nawr lui zui lem lo a..mahse a chhungten nupui neih lam an sawi chuan thinrimin a chhuak zel a,an sawi ta ngai bik lo,nu Mahriat-i erawh in min hmuh apiang hian rum tak takin min melh a,ka melh tha vak ngam thin lo..min rawn an khum vak lai vel khan mi bula mi rel a ching a...mi hian min en duh riau zel..school ka kal tih loh kha chu ka chhuak vak ngam lo hial mai..Sangpuia'n helama a thiante ka atangin a lo hria nge ni a nu chu a rawn zilh ve a,mi fuihpawrh chingah ka chhuak leh ta daih a ,eng kan hrilh ngai loh teh lul nen aw!

Nikhat ka school bang chu Miss Mamin

min zui haw a..test paper check pui tura ka sawm vang ani,ka inthlak hma thutthlenga kan thut dun lai chuan Sangpuia thianpa Sawma hnen atangin call ka dawng hlawl mai a..mak ka ti viau nghe nghe...a call chu ka pick a,a thu rawn sawi avang chuan ka nghing dawt thei "Miss kim..hei Sangpuia a class bang a inkhalh haw laiin bolero pakhat nena an insu hlauh mai a,ka pawh chhawn hman loin a boral" tih thu mawlh chu..ka vai riau a,tih ber tur pawh ka hre lo,ka ngawng vek a,ka bul hnai a thil te chu an hla ta duk hian ka hria..ka tiril chu a khur der der bawk , miss Mamin "thiani engati nge? Engtin nge i awm? Eng nge a rawn sawi?" A tih chu hla tak atanga ri vawn vawn ang mai hian ka hria.."Sangpuia" tih bak ka sawi thei lo..engkim chu a thim ta mup a..ka harh leh chuan khua a lo thim chhalh tawh..miss mami pawh chu ka bulah a lo la awm reng a "Sangpuia,Sangpuia" tih bak ka sawi thei lo..ka tap chhuak hlawp hlawp a..ka khur dar dar bawk..Miss Mamin min rawn kuah thlawp a,ani pawh a tap ve tho chanchin a hre tawh ani mahna "Mam,ana ,ka thin hi ana lutuk" tiin ka chum dat dat a.. ka mittui a sur zung zung bawk "min kalsan thei lo,ka la kham lo asin..Mam ti nge a ni kher? Keimah anga teacher nih a fa tam deuh neih kha a duh a,ti nge chu ringawt pawh chu a tih theih loh" ka ti sap sap a..min kuah ngawt ngawt ringawt..rei ngial ka tah hnu chuan Miss Mami chuan "Akim. In ti fai rawh,a ruang pawh a rawn thleng tawh a..han hmu ve hram rawh,in tih chak i ngai ania" tiin min fuih mawlh mawlh a,"A thi hlei nem! Ngati nge "a ruang" te i tih? A la thi reng reng lo,Aizawlah..an inluahah a awm mek alawm..Mam,fiamthu i thiam lo emai" ka tih chuan min melh vang vang a.."ti nge Vansangpuia pawh hi min rawn biak loh a" ka ti hlak hlak a..lainat hmel fe a min enin "akim..in ti chak rawh ka tih kha aw,tun bak chu i hmu leh dawn tawh lo ania" a tih chuan ka tap leh ta nge nge e..Miss Mami chuan ka thawmhnaw hak tur vel te chu a rawn dah chhuak a..min hak tir leh vek bawk,ngawi rengin ka dawh hle hle ringawt..kan inzui chhuak chhet chhet a..Sangpuia te in kan thlen chuan khawhar hla an lo sa dup dup tawh..sarthi anih avangin ani la la a phum tur ani na chungin khaw dang atanga rawn phurh anih vang leh a chhungten an ngen nasat em avangin naktukah chauh an phum dawn a...an inkawtah chuan Sangpuia u,UValpuia a lo ding ve a..min hmuh rual rualin "Akim,ruang i kil ve duh em?" A lo ti thuai a..ka bu nghat ringawt..."min lo zui la" ti sup in ka hmaah a kal a,keipawn ka zui ve vat..nutling tap rawih rawih ka hriat chuan ka hrawkah hian hnawh tu a awm leh tlat tawh..ruang bul kan thleng a, kuang chhunga mu Sangpuia..a hmui duk vek tawh chu ka melh ngawt ngawt a..Nu Mahriatin min hmuh rual chuan "Ramhuainu,nangmah vanga thi anih hi i hria em? Nang awm lo la ka fapa hi a thi lo vang..nangmah vang anih hi anchhia i nih kha anchhia" a lo ti phiar phiar a, an pa chuan a lo khap vat..kei erawh chuan Sangpuia ringawt ka la melh "chhuak rawh,chhuak nghal rawh..kan inah hian i ke rawn pet lut ve suh..chhuak rawh" a ti tuar tuar..ka petek nawk nawk mai U Valpuia chuan inthiam loh hmel deuh hian min en reng a..sawi tur reng reng ka hre ve lo Miss Mami chuan min kuah thuai a.."akim chhuak mai ang" a ti sap a.Aww! A ruang ringawt pawh ka kil ve thei lo chu ania,ka va han rethei ngawih ngawih tak em..Sangpui ka va han ngai tak che em..kan chhuah lai te chu mumang ang ruai hian ka hria a, Miss Mamin pawn thuthlenga min thutpui lai te chu ka hre rei riau ,hun te chu a kal duak duak a..engkim mai chu a chiang lo a..khawngaih hmel taka min en tu te chu ka hmu phe ruai vek..ka tah a chhuak a,ka tap thei si lo,min hnawh tun a..thawk ngaihna reng reng ka hre lo..ka thinlung hi vih sawk sawk ang maiin ana a,ka melh ngai ka melh tlawk tlawk,lungngaihna vawrtawp chuan min hual tup tup a "Sangpuia a thi" tih chu ka bengah a ri tluk tluk a..ngaihtuah ber tur pawh ka hre lo..ka taksa te chu a zawi vek a,Miss Mami min tih ang ang chuan ka awm tawp..

Ani chu a kal tawh a,rawn kir ni reng reng nei tawh lo turin..a kalsan tak thinlung hi a dawn ve angem le?

Zan a liam a,ni a rawn inher chhuak a..mahse Sangpuia chuan thawh zai reng a rel ve lo ruang kan zui lai te chu ka hre rei riau a...ṭap hawm hawm thawm te chuan min vilh ngut ngut a..Vansangpuia chu a liam ta,he lei hrehawm zetah hian keimah chiah min hnutchhiah ta si..

Ni te chu a liam zung zung a..ka tawrhna erawh chuan kian tik a nei thei lo..ani telin Sangpuia ka ngaihna chu a zual a..tah tlawk tlawk bak tih theih ka nei si lo...ka nu mangang pawh a rawn zin chho tawp a..min enkawl tawp ani ber..nautelam kal thei nen hian ka inchan ber,ruah sur bur bur chang te hian puanlum kengin a thlanah ka kal a,ka khuh thin..a ril a tam angem? A tui te a hal angem? A thaw thei angem? Tih ringawt te ka ngaihtuah a..a tel lo chuan ka awm thiam lo ani ber

Kum 1 tawp kha chu mi a ang mai ka ni..ka hna pawh ka zawm hlei thei lo a,Aizawl lamah ka nu ten min hruai haw ta tawp a,ka nung che che ani ber...zantin ka tap a..Sangpuia ngaih loh lai ka nei ngai lo ka nu ten min kawm hlim turin ka thiante an ko reng reng a..mahse engmah hian min ti hlim zo lo..Ka lawmna leh ka hlimna ber Lawmsangpuia tel lo chuan eng ruai ka ni lo ani ber e! Rilru-in dam tik anei lo a,mittui lahin hul ni reng a nei lo a..mutmu pawh ka tuah ṭha meuh lo ani e..

Kum 2 lai a liam leh hnu chuan pangngai takin a thlan ka tlawh a, a thlan lung a "Lawmsangpuia,kum 21" tih inziak chu ka melh tlawk tlawk a,. Ani tel ve lohna hringnun chu thlaler ram ro rup,tui reng reng awm lohna hmunah ka chan a..lung hi a dam thei mawlh lo! Ani nena kan hlim dun lai ka ngaihtuah phei chuan hnuk hi a ulh ṭun reng mai ani,ka ngai a..ka ngai ngawih ngawih a...siamtu hnenah vawikhat tal ka kuah leh theih nan ka dil cham chi bawk ka hmangaih thu te kha ka hrilh leh chak a mahse chu erawh duhthusam hlawhtling lo mai ani, ka hlim ni leh lungngaih niin a mah ka ngai a,ka tah changa min hnem turin ka duh bawk..engtik ni-ah emaw ka message min lo reply mahna tiin ka la text nitin a miin a chanchin an sawi changin chhuang takin ka la sawipui thin..ani chu piallei thuah riat hnuaiah a zal a,thlamuang takin a mu sia sia si

Duatpa,i dam ta