THE WHOLE STORY

Zanah Angaihi nen chuan Assignment kan ti duna, kanu erawh Angaihi te inlamah a leng ve thung, Angaihi te nen hian kan in hlat hran lo a, kan riak dun ta fo, ka mizia ka thlak ve ta viaua, ṭawng duhlo leh mahnia awm tlawk tlawk kha ka ni tawh biklo, ṭhian ka ngaina a, ṭhian hova len chhuah ve te ka ching ta zeuh zeuha, kanu chu a lawm viauin ka hria a, ṭhiante bula awmdan tur thu ṭha tinreng min hrilh ṭhin,  "lut thar kan nei dawn a sin" Angaihi chuan a rawn ti teh hlawla, "tun term laklawh ah hian maw" ka tih chuan a bu sawk sawk, "Muanzuala nia, amah phei chu kei ni ai kum 3 vel zetin a u ang" a ti a, a sama a beng zeh pah hian, "hmelṭha deuh awm ṭha duhlo ang chi kha a nia" a ti leh a, "kan khaw mi hausa Chhantluanga fapa duat sual ngat a nia, a insual nasa thei lutuk, kan khaw mipa ṭhenkhat ho hi chuan an ngei ru ṭhum hlawm ang" a tih chuan ka lo chek tlak tlak, "mahse a bialnu te an hmelṭha thei lutuk" a tih leh chuan ka lo ner leh nak, chutiang insual hrat deuh te han duh ka ti rilru nauh nauh,

    Inrinni a ni a, kanu te nen kapu te leilet ramah kan feh ve ngei a, engmah phei chu ka ti velo, a hmun chu a nuam em em a, ni a sat ang hu in boruak a dai daih mai a, thla ka la kual leh nasa, leilet chuan ṭiau a hnaih em ema, inthlakna ka lo keng lo chu pawi ka ti rilru viau, ka ke te chu ka chiah vel ta mai mai a. Ka kal hla ta deuhva, tui len loh na lai chin chu ka dai phei zela, kan ral leh lam lawk ah chuan leilet ve tho hi a awma, chutah chuan mi hi an lo awm khawm ṭeuh a, an ri leng lunga, music zawng zawng nen, ral leh lam ka thleng chiah chu zawhte hmelṭha em em mai, var thianghlim sar mai hi ka hmu a,Persian Cat a ni nghe nghe, a nghawng ah hian eng emaw bell hi a awrh bawka, Doraemon ang ka ti reuh hle, lungah chuan ṭhu in zawhte chu ka pawma, min nel reuh hle a, ka chul hliau hliau mai, a la rimtui em em zui, rei vaklo ka pawn hnu ah thawm ka hria a, mipa aw thum zetin a "miau miau...miau miau" a tih ri a ni, ka nuih te lam lam a za dawn, chu aw nei tupa ngei chu rei lo ah a lo lang nghal thuaia, mipa sang ṭha thlerh thlawrh, tawnzau var leh kekawr bul dum ha hi a rawn lang hlawla, a sam chu a buk lam deuh mah mah a ni, ka zawhte pawmlai la pawm reng chung chuan ka ding chhuak vata, ka au mai dawna, auh dan tur ka haihchham tlat, kapu tia ka auh chuan a lawm ka ring vak silo, ka lo ding ta renga, ka pawmlai chu a rawn miau a, chupa chu kan lam a rawn hawi nghal zat, rang lutukin kan a rawn pana, reilo ah a rawn thleng nghal zat, ka bul hnaia a rawn ding chiah chu ka te rawih rawih thei, kan sawi ve lawk a nga, kei hi hmeichhia hniam tia sawi tur ka nilo a, fit 5 leh inches 7 vel zeta sang ka ni ve a, ka hma a ding erawh hi chuan fit 6 a pel thui hle ka ring, chupa chuan a sunglass chu a phelh a, ka rinloh lam deih hmel a nei, ka thawnthu chhiar ṭhina changtupa te niawm hmel hi a pu, a mitmeng chu a lianin a zau reuh hle a, ngo tia sawi tur a nilo na in a ngaihno bei reuh hle,  hmuihmul tlem te hi a nei bawka, a mitmeng mawlh chu pa ka tih chi tak mai a nia, Aizawl ka awm chhung zawng khan tiang mipa hmelṭha hi ka hmuh awm ka hre ngailo,

    "Ti nge ka zawhte i lo pawm!" Chang lek lek hian a ti a, huh.. a ṭawng duh dan mai mai chu(h), pangai deuh chuan "ral leh lama leilet hi kapu te ta nia" ka sawi zawh hma hma in, "in leilet awmna ka zawt reng reng lo che" polite lo zet hian a ti leh, ka va ngei mai mai reuh e, "ih... Lui hi ka zawh phei char char a maw, chuanin", "lui i zawh leh zawh loh thu pawh ka zawt re re lo che, eng vanga ka zawhte hi lo pawm nge i nih tih chiah ka zawt che", a ti vin ta hluk maia, a hmelhriat loh chutia mi vin chiam chu ka lawm lo khawp mai a, ka zahzum lai tak tak phei chu nise ka mittui hial a tlak te ka ring,

    "I zawhte hi maw, lui lama a lo kal tur ka dang a nih kha" ka ti ve ta a, ka vin ve ang ka tih lai laiin ka duh ai ka ṭawng nem, min chhang tawh lovin a ner naka, ka pawm lai chu mi rawn chhuh nawk nawk a, ka tlu ṭhelh nghe nghe, "Miau Miau, ka hriat lohin khawiah mah lo kalsawn tawh suh aw", a ti nem leh and duai a, ka ang phiau lo chauh, "Mami, tu nge i hming" dam deuh zawk chuan a ti ve ta hram, "Maria-i" pangai deuh chuan ka ti ve mai bawka, "Maria-i" tiin a phun let ve sup,